गोरखा ः धार्चे गाउँपालिकामा भएको राष्ट्रिय परिचयपत्र वितरण दर्ता घुम्ती शिविरबाट ७ सय ५० जनाको विवरण संकलन भएको छ ।

वैशाख ९ देखि वैशाख २५ गते सम्म धार्चे गाउँपालिकाको सात वटै वडाका वासिन्दाको विवरण संकलन भएको थियो । जिल्ला प्रशासन कार्यालय गोरखाको प्राविधिक सहयोग र धार्चे गाउँपालिकाको ब्यवस्थापनमा घुम्ति शिविर भएको थियो । शिविरबाट वडा नम्वर १ मा ४२ जना, वडा नम्वर २ का दुइ सय ९७ जना, वडा नम्वर ३ का ४६ जनाको विवरण संकलन भएको छ । त्यस्तै वडा नम्वर ४ का १४ जना, वडा नम्वर ५ का दुइ सय १ जना, वडा नम्वर ६ का ९४ जना र वडा नम्वर ७ का ५६ जनाको विवरण संकलन भएको गाउँपालिकाले जनाएको छ ।