सुरुवात ः आज हिन्दू नेपाली          नारीहरुको ठूलो पर्व तीज । हिजो मंगलवार तीजको दर खाने दिन । तर दर खाने दिन साँझसम्म         जसरी पनि माइत पुग्ने चेलीहरुलाई गए रातिदेखि नारायणगढ मुग्लिन सडकखण्डमा आएको पहिरोले अलपत्र पारे ।
अविरल वर्षासँगै आएको  पहिरोले करीव १७ घण्टासम्म सडक अवरुद्ध बन्दा तीजको दिन माइत हिँडेका चेलीवेटी बिलखबन्दमा परेका छन् । सडकमा सयौं सवारी साधान रोकिएका थिए भने, हजारौं यात्रुहरु बीच बाटोमा नै थिए । सोमबार रातिदेखि परेको मुशलधारे वर्षाको कारण             नारायणगढ–मुग्लिन सडकको विभिन्न ठाउँमा पहिरो खसेपछि हजारौं सवारीसाधनहरु सडकमै         रोकिएका थिए ।
विषेश गरी तनहुँ, लमजुङ र गोरखाबाट चितवनमा चेलिवेटी लिन आउनेहरु अधिक थिए ।        गोरखाको पालुङटारबाट भरतपुरको हाकिमचोकमा सोमबार दिउँसो  छोरी लिन आएकी सीता देवकोटा पोखरा बसपार्कमा दिनभर रुमल्लिइरहेकी थिइन् । उनले        पहिरोले बाटो अवरुद्ध हुँदा यसपटक तीन मान्न नपाइने हो कि भन्ने चिन्ता लागेको बताइन् । देवकोटाले भनिन्, ‘माइतमा गएर दर खाएर मनाउने चाडमा दिनभर सडकमा नै अलपत्र परियो, सडक खुले पनि पानी पर्न नरोकिएकोले कतै बाटोमा पहिरोले किच्ने हो कि भन्ने डर लागेको छ ।’ सवारी लाइनको जाम भरतपुरको हाकिमचोक र           नारायणगढको पुल्चोकसम्म आइपुगेको थियो । पोखरा बसपार्कमा सडक खुल्ने आशमा माइत हिँडेका सयौं चेलीहरु           पर्खिरहेका थिए । माइत पुगेर दर खाने चेलीहरुको सपना अधुरो रह्यो । बाटो खुल्ने कतिबेला हो भनेर प्रहरी कार्यालयमा फोन गर्ने, पत्रकारहरुलाई फोन गरेर सर्वसाधारणहरुले सोधिरहेका            थिए ।
नारायणगढ–मुग्लिन सडकको सत्र किलो, चारकिलो, गाईघाट र जलबिरे लगायतको ठाउँमा             सोमवार रातिदेखि पहिरो खसेको  थियो । चारकिलोमा सबैभन्दा ठूलो पहिरो आएको थियो । माथिबाट पहाड नै झरेकोले पहिरो पन्छाउन निकै समस्या भएको आयोजनाका सूचना अधिकारी शिव खनालले जानकारी दिए । मंगलवार राती करिव आठ बजेबाट जसोतसो पहिरो पन्छाएर एकतर्फी रुपमा यातायात संचालन गरिएको           थियो ।