गोरखा ः जिल्लाका २० वटा माध्यामिक बिद्यालयमा  अध्ययनरत एक सय ७० जना विद्यार्थीलाई शैक्षिक सामग्री र विद्यालय पोशाक बितरण गरिएको छ ।
अध्ययन तथा रोजगारीको सिलसिलामा बेलायत रहेका गोर्खालीहरुको साझा संस्था गोरखाली समाज यूके ट्रष्टले विभिन्न च्यारीटी शो मार्फत संकलन गरको १ करोड रुपैयाँको बार्षिक रुपमा आउने ब्याजबाट विद्यार्थीहरुलाई शैक्षिक सामाग्री वितरण गरेको ट्रष्टका अध्यक्ष जयप्रकाश गुरुङले बताए । वुधवार जिल्ला सदरमुकाममा आयोजित एक कार्यक्रमका विच गोरखा नगरपालिकाका मेयर राजनराज पन्तले विद्यार्थीहरुलाई शैक्षिक समाग्री हस्तान्तरण गरेका हुन् । जिल्लाको ११ वटै स्थानीय तहका बिभिन्न विद्यालयमा अध्ययनरत गरिव तथा जेहेन्दार बिद्यार्थीलाइ ट्रष्टले सहयोग गर्दै आएको छ । कक्षा ४ देखि १२ सम्म पढ्ने १ सय ७० जना विद्यार्थीलाई हरेक वर्ष एक सेट झोला, एक दर्जन कलम, दुई सेट कपडा र तीन दर्जन कापी उपलब्ध गराउदै आएको कार्यक्रमका संयोजक शरण श्रेष्ठले बताए ।