गत असार मसान्त सम्म सम्पन्न भइसक्नुपर्ने बाह्र किलो बारपाक सडकको कामको प्रगति हेर्दा अर्काे बर्षसम्म पनि काम सम्पन्न हुने अवस्था छैन । काम अलपत्र छाडेर भागेका ठेकेदार सम्पर्कमै नआउँदा समस्या छ । चार प्याकेजमा ठेक्का लगाइएको उक्त सडकको हाल सम्म मुश्किलले ६० प्रतिशत काम भएको छ । तर केही ठेकेदार काम अलपत्र पारेर सम्पर्क विहीन छन् । ठेकेदारको यस्तो प्रवृतिले बारपाक सम्मको कालोपत्रे सडक कतै बारपाकीका लागी सपना त बन्ने होइन ?
सर्वसाधारणको भावना सँग खेलेर काममा लापरवाही गर्ने ठेकेदारलाइ कडा भन्दा कडा कारवाही हुनुपर्ने हो । तर कारवाहीका गर्न आयोजनाको खुट्टा कापिरहेको छ । हुन त राजनितिक दलको आडमा सलवलाइरहेका ठेकेदारलाइ कारवाही गर्दा सरुवा हुने हो की भन्ने डर र चिन्ता पनि आयोजना प्रमुखलाइ होला । कारवाही अगाडी बढाए सरुवा नहोला भन्न पनि सकिन्न । किनकी बिकास निर्माणको काममा ढिलाइ गर्ने ठेकेदारलाइ कारवाहीका लागी सहयोग गर्नुको साटो                        राजनितिक दलले थप प्रश्रय दिइरहेका हुन्छन् । अनि बिकास निर्माण कहिले अघि बढ्छ ।
ठेकेदारको लापरवाहीले सर्वसाधारणले भोग्नुपरेको सास्ती कस्ले बुझ्ने ? न आयोजनाले बुझ्न सक्यो न कहिले ठेकेदारले बुझ्छ । काम नगर्ने ठेकेदारको कम्पनीलाइ कालोसूचिमा राखेर जीवनभर ठेक्का लिन नमिल्ने गरी कारवाही गर्न सक्नुपर्छ । होइन भने सम्झौता अवधिको बर्षाे बितेपनि काम सम्पन्न हुनेछैन । यसबारे सबै सचेत हौ र काम नगर्ने ठेकेदार बिरुद्ध एक्यवद्धता जनाऔ ।