आरुघाटमा संचालन भएको खानेपानी सुरक्षा योजना सम्बन्धि चार दिने तालिम सम्पन्न भएको छ । यूनिसेफको आर्थिक सहयोगमा उत्पीडित समुदाय बिकास शाखा अनुसन्धान केन्द्र            (कोसडर) गोरखाको आयोजनामा तालिम भएको हो । स्वच्छ खानेपानीयुक्त समुदाय घोषणा कार्यक्रमका लागी तालिम संचालन गरिएको कोसडरका कार्यक्रम संयोजक काजिराम रोकाले       बताए । मुहान देखि मुख सम्म कसरी स्वच्छ खानेपानी उपभोग गर्न सकिन्छ भन्ने बारे तालिममा जानकारी गराइएको उनको भनाइ छ । तालिममा जिल्लाको ११ वटै स्थानीय तहका जनप्रतिनिधी, प्राविधिक लगायतको सहभागीता रहेको थियो । कोसडरले यही जेठ ९ गते आरुघाट गाउँपालिका–५ को धोविखोला रातोपाते खानेपानी आयोजनालाई जिल्लाको पहिलो स्वच्छ खानेपानीयुक्त आयोजना घोषणा गर्ने जनाएको छ ।