गोरखा ः २२ महिना ढिला गरी चनौटेमा मोटरेवल पुल निर्माण भएको छ ।
बारपाक सुलिकोट र अजिरकोट गाउँपालिका जोड्ने  दरौदी नदी माथि बनेको पुलको सोमवार गण्डकी प्रदेशका भौतिक पूर्वाधार तथा बिकास मन्त्री                 रामशरण बस्नेतले उद्घाटन गरेका छन् । दुइ बर्षमा पुल निर्माण कार्य सक्ने गरी २०७२ साल असार १ गते एडभेन्चर धानथान जेभि सँग ठेक्का सम्झौता भएको थियो । काम सम्पन्न नभएपछि पुन नौ महिना म्याद थपियो । तर ठेकेदारको लापरवाहीले काम अलपत्र परेपछि फेरि म्याद थपिएको हो । कुल तिन करोड ५२ लाख लागतमा पुल निर्माण भएको हो । यस अघि काममा ढिलाइ भएको भन्दै बारपाक सुलिकोट गाउँपालिकाका जनप्रतिनिधी, जिल्ला समन्वय समिति सदस्य, बिभिन्न राजनितिक दलका प्रतिनिधी तथा बुद्धिजिवीहरुले संयुक्त रुपमा प्रमुख जिल्ला अधिकारीलाइ निवेदन बुझाएका थिए ।
काम अलपत्र छाडेर               लापरवाही गर्ने ठेकेदारलाइ प्रशासनले समेत बारम्वार ताकेता गरिरहेको थियो । ढिलै भएपनि पुल बनेपछि आउजाउमा सहज हुने भन्दै स्थानीय खुशी भएका छन् ।