गोरखा ः स्थानीय पूर्वाधार विकास साझेदारी कार्यक्रम अन्तर्गत जिल्लाको दुई निर्वाचन क्षेत्रका संघीय सांसदहरुले सडक, खानेपानी, सामुदायिक भवन र सिंचाइमा प्राथमिकता राखेका           छन् ।
गोरखा क्षेत्र नं २ मा डा. बाबुराम भट्टराईले २१ योजनाका लागि ४ करोड रकम विनियोजन गरेका छन् । भट्टराईको मुख्य प्राथमिकतामा सडक र सिचाइ           परेको छ । तर आर्थिक वर्षको सकिन लाग्दा अधिकाश सडक  स्तरोन्नती कार्य समयमै सम्पन्न हुन मुश्किल देखिएको छ । क्षेत्र नम्वर दुइमा प्राथमिकतामा परेका सडक मध्ये सिरानचोक र अजिरकोट गाउँपालिको दुध पोखरी मार्गको सिम्ले–केरावारी–नेपाने–भीरसिंह–बुद्घसिंह सडक खण्डक नयाँ ट्र¥याक खोल्नका लागि ६० लाख विनियोजन गरिएको छ । सो सडक खण्डको स्तरोन्नती कार्य हाल सम्म सिरानचोक गाउँपालिका तर्पm ८० र अजिरकोट तर्पm १५ प्रतिशत काम सम्पन्न भएको छ । उपभोक्ता समिति गठनमा ढिलाई भएकाले काममा ढिलाई भएको अजिरकोट गाउँपालिकाका इन्जिनीयर लक्ष्मण न्यौपानेले जानकारी दिए ।
कुलगाउँ पोखरी–स्नान गाउँ मान्द्रे सडक नया ट्रयाक खोल्नका लागि ६० लाख छुट्टाइएको छ । उत्त सडको हाल सम्म ९० प्रतिशत काम सम्पन्न भएको बारपाक सुलिकोट गाउँपालिकाका प्रमुख प्रशासकीय अधिकृत शिव गुरुङले जानकारी दिए । त्यस्तै खानेपानी आयोजना तर्फ गोरखा नगरपालिका स्थिति शिखरडाँडा–नौकिलो स्याउली खानेपानी योजनाका लागि ३५ लाख विनियोजन गरिएको छ । सो आयोजनाको काम हाल सम्म करिब ३५देखि ४० प्रतिशत सकिएको गोरखा नगरपालिकाका इन्जिनियर प्रकाश ढकालले           बताए ।
सोहि कार्यक्रम अन्र्तगत        गोरखा नगरपालिका–१३ देउरालीको मजुवा–सिम्ले–गोप्लिङ–अकला मन्दिर सडक स्तरोन्ततिको काम भने हाल सम्म पनि शुरु हुन सकेको छैन । त्यस्तै क्षेत्र न १ का प्रतिनिधि सभाका सांसद हरिराज                 अधिकारीले आफ्नो निर्वाचन क्षेत्रमा २० योजनामा ४ करोड रुपैया बजेट विनियोजन गरेका छन् । अधिकारीको प्राथमिकतामा सडक, सामुदायिक भवन, खानेपानी र शिक्षालाई प्राथमिकतामा राखेका छन् । अधिकाश सडक स्तरोन्नती कार्य भने हालसालै मात्र शुरु भएको छ भने सामुदायिक भवनको निर्माण कार्य अन्तिम चरणमा पुगेको छ ।
स्थानीय पूर्वाधार विकास साझेदारी कार्यक्रम अन्तरगत भिमसेन थापा गाउँपालिका–३ को काशीखोला–चौतारा–धावा सडक स्तरोन्नतीका लागी ५० लाख विनियोजन गरिएको छ । उपभोक्ता समिति गठनमा ढिलाइ भएकाले बैशाख मसान्तबाट मात्र काम शुरु भएको  गाउँपालिकाका प्रशासकीय अधिकृत कृष्ण थापाले जानकरी  दिए । सोहि गाउँपालिकाको बोर्लाङ नारायणपुर–झप्री–विर्दी–रुखाथुम सडक स्तरोन्नतीका लागी २५ लाख विनियोजन भएको तर हाल सम्म पनि उत्त सडकको काम शुरु नभएको उनले बताए ।
गण्डकी गाउँपालिका           अन्तरगत फुजेल आमडाडा–पौवा–कौदी–रानीश्वारा सडक स्तरोन्नती लागि ५० लाख विनियोजन              गरिएको छ । उत्त सडक निर्माणका लागी सम्झौता गरि बैशाख मसान्तबाट काम शुरु भएको इन्जिनियर तुलसी घिमिरेले जानकारी दिए । सोहि कार्यक्रम अन्तर्गत धार्चे गाउँपालिका–५ माछाखोलामा सामुदायिक भव  निर्माणका लागि २५ लाख र उहिया माथिल्लो गाउँ सामुदायिक भवन निर्माण लागि २० लाख बजेट विनियोजन गरिएको छ । माछाखोलाको ७० प्रतिशत र उहियामाको ८० प्रतिशत काम सम्पन्न भएको गाउँपालिकाका प्रसाशकीय अधिकृत बाबुराम पाण्डेले जानकारी दिए ।