चार स्थानीय तहमा रोजगार कार्यक्रम शुरु : चुमनुव्री र धार्चे गाउ“पालिकामा रोजगार संयोजक नै छैनन्
चार स्थानीय तहमा रोजगार कार्यक्रम शुरु : चुमनुव्री र धार्चे गाउ“पालिकामा रोजगार संयोजक नै छैनन्
केशव गुरुङ
गोरखा ः चार स्थानीय तहमा प्रधानमन्त्री रोजगार कार्यक्रम शुरु भएको छ । बारपाक सुलिकोट, अजिरकोट, आरुघाट गाउपालिका र पालुङटार नगरपालिकामा कार्यक्रम शुरु भएको हो । अन्य स्थानीय तहले कार्यक्रम संचालनको तयारी गरेका छन् ।
बारपाक सुलिकोट गाउँपालिकामा गोरेटो बाटो निर्माण देखि सार्वजनिक शौचालयको निर्माण सम्मलाई प्राथमिकता दिदै कार्यक्रम शुरु भएको छ । उत्त कार्यक्रमका लागी १ हजार पाँच सय ३१ आवेदन परेकोमा एक सय ३१ जनालाई उत्त कार्यक्रममा समेटेको रोजगार संयोजक पार्वती पाठकले बताइन् । दैनिक सात सयका ज्यालादर पाउने गरि २० दिनका लागि उनिहरु खटिनेछन् ।
पालुङटार नगरपालिकामा प्रधानमन्त्री रोजगार कार्यक्रम अन्तर्गत सुचिकृत युवाहरुलाई वडा कार्यालयको वरिपरि घेराबार लगाउने, नाली व्यवस्थापन, वडा कार्यालय जाने बाटो निर्माण कार्यमा लगाएको छ । उत्त कार्यक्रमका लागी नगरपालिकामा ४० लाख बजेट परेको छ । २३ सय ३३ निवेदनबाट ३ सय ९७ जनालाई रोजगारका लागि छनौट गरिएको नगरपालिका रोजगार संयोजक विवेक कुमार पण्डितले जानकरी दिए । उनीहरुलाई दैनिक ७ सयका दरले १० दिनका लागि रोजागारमा लगाएको उनले बताए । अजिरकोट गाउँपालिकामा प्रधानमन्त्री रोजगार कार्यक्रम अन्तर्गत मठ मन्दिरको संरक्षण, मर्मत, कुलो निर्माण, सिचाइ, गोरेटो बाटो निर्माणमा प्राथमिकता दिइएका छन् ।
गाउँपालिका रोजगार संयोजक प्रकाश बस्नेत अनुसार कार्यक्रम लागि २३ लाख बजेट प्राप्त भएको छ । ११ सय ३७ आवेदन परेकोमा एक सय ४ जना छनौट भएका छन् । उनिहरुले दैनिक सात सयका दरले ज्याला पाउछन । त्यस्तै आरुघाट गाउँपालिका भने लोप हुन लागेको परम्परागत चौतारा मर्मत प्राथमिकतामा राखेको छ । गाउँपालिकाले २ सय ५२ जनालाई चौतारा मर्मतमा लगाएको छ १० वडामा दुइ वटाको दरले चौतारोमा ढुङ्गाको छपनी लगाउने गाउपालिकाले जनाएको छ । गण्डकी गाउँपालिका प्रत्येक वडामा सडक हेरालु राखेको छ । उनीहरुले नाला व्यवस्थापन, सडक मर्मत तथा बर्खामा सडकमा खसेको पहिरो फाल्ने काम लगाउने गाउपालिकाले जनाएको छ । भिमसेन थापा गाउँपालिका र सहिद लखन गाउँपालिकामा भने योजना छनौट कार्य भइहरहेको र केहि दिनमै शुरु गर्ने बताइएको छ ।
रोजगार संयोजक नहुदा उत्तरी गोरखाको धार्चे र चुमनुव्री गाउँपालिकामा भने कार्यक्रम नै अलपत्र परेको छ । रोजगार संयोजक नहुदा कार्यक्रम सन्चालन कठिनाई भएको धार्चे गाउँपालिका प्रशासकीय अधिकृत बाबुराम पाण्डले बताए । पाण्डेका अनुसार मन्त्रलायबाट नै रोजगार संयोजक नपठाउँदा काम शुरु हुन नसकेको हो । हाल प्रत्येक वडा वडामा रोजगारका लागि आवेदनको प्रक्रिया भने चलिरहेको उनले बताए । प्रधानमन्त्री रोजगारका लागि गोरखामा दुई नगरपालिका र ९ गाउँपालिकामा कुल ३ करोड २४ लाख बजेट विनियोजन भएको छ । कार्यक्रम सन्चालनका लागि ७० प्रतिशत ज्यालामा, २५ प्रतिशत निर्माण सामाग्री, ३ प्रतिशत औजार र एक प्रतिशत कन्टिन्जेन्सी खर्च गर्नुपर्ने व्यवस्था छ ।
