भूकम्पले क्षति पुगेका २ सय ९० विद्यालय पुनर्निर्माण
भूकम्पले क्षति पुगेका २ सय ९० विद्यालय पुनर्निर्माण
केशव गुरुङ
गोरखा ः भूकम्पले क्षति पुगेका जिल्लाका २ सय ९० विद्यालयको पुननिर्माण सम्पन्न भएको छ ।
भूकम्पका कारण जिल्लाका ४ सय ६० विद्यालय भवन पूर्ण रुपमा क्षति पुगेको जिल्ला आयोजना कार्यान्वय इकाइ (शिक्षा) ले जनाएको छ । ४० वटा मावि र २ सय ५० आधारभूत बिद्यालय भवनको पुननिर्माण सम्पन्न भएको इन्जिनियर बाबुराम देवकोटाले जानकारी दिए । जिल्लामा निर्माण भएका विद्यालयहरु मध्ये कतिपय सरकारी तवरबाट निर्माण थालिएका छन् भने केही दातृ निकाय र राष्ट्रिय तथा अन्तराष्ट्रिय संघसस्थाले निर्माण गरिरहेका छन् । जापानी संस्था (जाइका) ले निर्माणको जिम्मा लिएको ६१ विद्यालय मध्ये २१ वटा विद्यालय निर्माण भएर हस्तारन्तरण भइसकेको कार्यालयले जनाएको छ । २४ वटा विद्यालय पुननिर्माणको अन्तिम रचणमा रहेको इन्जिनीयर देवकोटाले बताए । भारतीय राजदुतावासले निर्माणको जिम्मा लिएको १० वटा विद्यालय मध्ये ३ वटा निर्माणाधिन अवस्थामा रहेको र ७ विद्यालय निर्माणका लागि स्रोत सुनिश्चित भएर सवैक्षण काम भइरहेको उनले बताए । यस्तै गुड नेभर्सले जिम्मा लिएको ७ मध्ये ६ वटा विद्यालयको पुननिर्माण सकिएको छ भने एक निर्माणाधिन अवस्थामा रहेको छ । लायन्स क्लवले जिम्मा लिएको ४ वटा विद्यालय मध्ये एक सम्पन्न भएको र ३ निर्माणाधिन अवस्थामा रहेको कार्यालयले जनाएको छ । जिएनआइले जिम्मा लिएको ७ वटा विद्यालय मध्ये ६ वटा सम्पन्न भइसकेको छ । एक निर्माणाधिन अवस्था छ । एडीवीले जिम्मा लिएको ४ विद्यालयको सर्वेक्षण काम भइसकेको र टेन्टर निकाल्न वाँकी रहेको कार्यालयले जनाएको छ ।
सेभ द चिल्डेनले ७ वटा तथा असल छिमेकीले ५ वटा विद्यालको पुननिर्माण सम्पन्न गरिसकेको इन्जिनियर देवकोटाले बताए । चाइना निर्माणले जिम्मा लिएको एक विद्यालय भने हाल सम्म पनि शुरु हुन सकेको छैन । पुननिर्माण सम्पन्न नभएको विद्यालयहरु केही अस्थायी सिकाई केन्द्र तथा केही पुरानै भवनमा संचालित छन् । हाल सम्म ७० विद्यालय मर्ज भएको र केहि मर्ज हुने क्रम जारी रहेको देवकोटाले बताए । जिल्लामा निर्माणाधिन विद्यालय मध्ये धेरै हस्तान्तरणको अन्तिरमा चरणमा पुगेको बताउदै उनले चालु आर्थिक बर्ष ८५ प्रतिशत बिद्यालय पुननिर्माणको काम सम्पन्न हुने दावी गरे । ०७६÷०७७ सम्ममा सबै विद्यालयको पुननिर्माण सक्ने लक्ष्यका साथ काम भइरहेको कार्यालयले जनाएको छ । भूकम्पका कारण एक हजार ८५ बिद्यालयमा आशिंक क्षति पुगेको थियो ।
