सवारी निमय उल्लघंन गर्नेको कमी छैन जिल्लामा । सवारी नियम पालना नगरेपछि दुर्घटना बढ्नु स्वभाविक नै हो । जिल्ला टूाफिक कार्यालयको तथ्याङ्क अनुसार बर्षेनी सवारी दुर्घटनाको दर बढ्दो छ । दुर्घटना न्यूनिकरणका लागी कार्यालयले बिभिन्न अभियानहरु संचालन पनि गरिरहेकै छ । तर प्रभावकारीता भने खासै देखिएको छैन । शनिवारबाट कार्यालयले प्रतिवद्धता पत्रमा हस्ताक्षर संकलन अभियान शुरु            गरेको छ । अभियानले सवारी चालक र धनीलाई थप जिम्मेवारी बनाउने र दुर्घटना दर घट्ने विश्वास कार्यालयले लिएको छ । अभियान सफलताको हामी पनि कामना गर्छाै ।
प्रतिबद्धतापत्रमा अनुसार सवारी मादक पदार्थ सेवान गरी मादक पदार्थ चलाउने छैनौ, अनुमति पत्र प्राप्त नगरी सवारी साधन चलाउन दिने छैनौ, सधै ट्राफिक नियमको पालन गर्ने छौ भनि उल्लेख गरिएको छ । प्रतिवद्धता पत्रमा हस्ताक्षर गरेका सवारी चालक र धनीले साच्चै प्रतिवद्धता पूरा गर्लान्   त ! सवारी दुर्घटना हुनुमा मुख्यतया चालककै लापरवाही हुन्छ । मादक पदार्थ सेवन गरेर सवारी चलाउने, द्रुत गतिमा सवारी हाक्ने जस्ता प्रवृतिले दुर्घटनाको जोखिम बढाउने गर्छ । हस्ताक्षर गरेको प्रतिवद्धतालाइ आत्मसाथ गरेर पालना गर्ने हो भने दुर्घटनाको संख्यामा केही हद सम्म कमी आउनेमा कुनै शंका छैन । त्यसो त    सवारी चालक र धनीलाइ मात्र दोष दिनु उपयुक्त हुदैन । एक त नियमनकारी निकाय टूाफिक कार्यालयको आखा सबै ठाउँमा पुग्नु   जरुरी छ । साथै सडकमा हिड्ने पैदलयात्रुहरुले टूाफिक नियमको पालना गर्नुपर्छ । फुटपाथ अतिक्रमण गरी राखिएको पसलहरु                 हटाइनुपर्छ । अनि मात्र फुटपाथमा पैदलयात्रु हिड्न पाउछन् भने सडकमा सवारी ।
सवारी दुर्घटना न्यूनिकरणका लागी सबै सचेत हुनु आवश्यक               छ । ट्राफिक सचेतना सम्बन्धि कार्यक्रम संचालन हुनुपर्छ । कार्यालयले चेकजाँचमा कडाइ गर्नुपर्छ । साथै जिल्लाका सबै सरोकारवालाले कार्यालयले संचालन गरेको अभियानमा साथ दिनुपर्छ । अनि मात्र         सवारी दुर्घटनालाइ न्यूनिकरण गर्न सकिन्छ ।