केही समय अघि देखावटी रुपमा भएपनि गरिने बजार अनुगमन आजभोली हुन छाडेको छ । जसका कारण जिल्लामा कालोबजारी मौलाएको छ । म्याद नाघेका दैनिक उपभोग्य वस्तु बेच्न व्यापारीले छाडेका छैनन् । यसको उदाहरण केही दिन अघि छेवेटार बजारमा केही वेर भएको बजार अनुगमनले प्रष्ट पार्छ । यसरी कालोबजारी फष्टाइरहँदा पनि बजार अनुमगनले भने निरन्तरता पाउन सकेको छैन ।
व्यापारीहरुको मौका कुरेर बसिरहेका हुन्छन् । सेवामुखी भन्दा पनि नाफामुखी हुन्छन् उनीहरु । म्याद गुज्रेका खाद्यान्न बेच्दै गर्दा उपभोक्ताको स्वास्थ्य पर्ने असर बारे उनीहरुलाइ मतलव हुदैन । मतलव हुन्छ त मात्र पैसा कसरी कमाउने । त्यसमाथि नियमनकारी निकायले अनुमगन   नगरिदिए पछि उनीहरुलाइ उपभोक्ता ठग्ने अवसर मिलिहाल्यो । मूल्यमा एकरुपता छैन । मूल्य सूचि अनिवार्य गरेपनि कतिपय पसलमा              भेटिदैनन् । यो कमजोरी नियमनकारी निकायकै हो ।
अनुगमनलाइ निरन्तरता दिएर नियम विपरित काम गर्ने              व्यापारीलाइ कारवाही गर्न सक्ने हो भने बल्ल कालोबजारी फष्टाउने थिएन की ?