गोरखा ः सरकारद्वारा प्रतिवन्धित ‘विप्लव’ नेतृत्वको नेकपाको गतिविधिमा संलग्न रहेको आशंकामा एक स्वास्थ्यकर्मी पक्राउ परेका छन् । गोरखा नगरपालिका अन्र्तगतको शहरी स्वास्थ्य केन्द्र छेवेटारमा कार्यरत सिनियर अहेब रामचन्द्र पाण्डेलाई प्रहरीले आइतवार पक्राउ गरेको हो ।           गोरखा नगरपालिका–१० छेवेटार स्थित पाण्डेको आफ्नै घरबाट उनलाइ पक्राउ गरिएको डिएसपी महेन्द्र नेपालले बताए । पाण्डे नेपाली कांग्रेस निकट निजामती कर्मचारी युनियनको जिल्ला सदस्य हुन् । कांग्रेस निकट स्वास्थ्यकर्मी संघमा पनि उनी आवद्ध छन् । उनको गतिविधी शंकास्पद रहेकाले पक्राउ गरी अनुसन्धान भइरहेको डिएसपी नेपालले जानकारी दिए ।