गोरखा ः गत असार ११ गते राती १६ किलो अवैध सुन बोकेर धन कमल गुरुङ छेकम्पारबाट माछाखोला तर्फ आउदै थिए । धार्चे गाउँपालिका–१ हुलचुक यारुवगरका ४० बर्षिय गुरुङ व्यापारी हुन् ।

चिनबाट छेकम्पारको ङुइला नाका हुदै खच्चडमा सुन बोकेर आएका गुरुङमाथि आक्रमणको प्रयास समेत भयो । खोर्लावेशी नजिकैको ओढारमा सुन लुकाएर उनी त्यहाँबाट भागे । अनि सम्पर्क विहीन बने । अपहरणमा परेको भन्दै परिवारजनले प्रहरीमा निवेदन समेत दिए । तर केही दिनपछि गुरुङ सम्पर्कमा रहेको भन्दै परिवारजनले निवदेन फिर्ता लिएपछि घटना रहस्यमय बन्यो । अनि प्रहरीले थाल्यो थप अनुसन्धान ।
प्रहरीले गरेको अनुसन्धानबारे एसपी अधिकारी यसो भन्छन् ः

---

---

‘परिवारजनले अपहरणमा परेको भनी निवदेन दिएपछि सबैभन्दा पहिले मान्छे अपहरणमा परेको र पैसा लुटिएको भन्ने कुरामा केन्द्रित रहेर अनुसन्धान शुरु ग¥यौ । तर सम्पर्कमा आएको भनेर परिवारले निवदेन फिर्ता लियो । परिवार र नातागोता सँग उसले भेट्दा कोही कसैसँग पैसा लुटिएको र अपहरणमा परेको कुरा पनि  नगरेको खुल्यो । त्यसपछि हामीलाइ शंका लाग्यो । अपहरणमा पनि  परेको छैन, फेरि पैसा पनि लुटिएको छैन भनेपछि मान्छे हराउनु पर्ने कारण के हो त भनेर हामीले  फरक कोणबाट अनुसन्धान थाल्यौ ।

अनुसन्धान गर्दैगर्दा कतै यो मान्छे बहुमुल्य चिज ल्याएर आफै वेपत्ता भयो की भन्ने शंका पनि उत्पन्न भयो । त्यस दिन अन्य दिनको तुलनामा रक्सी पनि धेरै खाएछ । खच्चड ड्राइभरलाइ पनि के खान्छस् भन्दै बारम्वार  खानेकुरा किनिदिने र अनौठो व्यवहार देखाउने गरेछ ।

धेरै ठाउँमा बुझ्दै अनुसन्धान गर्दै जादा यो मान्छेले पक्कै सुन ल्याएको हुनसक्छ भन्ने निष्कर्षमा हामी पुग्यौ । तर मान्छे कहाँ छ, सुन कहाँ छ भन्ने थाहा पाउन गाह्रो भयो । हामीले व्यापक खोजी ग¥यौ । प्रविधिको प्रयोग ग¥यौ । टूयाकिङ ग¥यौ । उनी केही समय गोरखा तिरै लुकेर लम्जुङ्ग हुदै काठमाडौ पुगेको देखियो । अनि बिशेष सुरकीको आधारमा खोजी गर्दै जाँदा काठमाडौमा फेला  पा¥यौ । उनलाइ हामीले गोरखामा रहेका परिवारको सम्पर्कमा जान भन्यौ । अनि उनी आफ्नै घर फर्किएपछि त्यही गएर हामीले उनलाइ समात्यौ ।

पहिले त सुन ल्याएको छैन यतिकै डराएर भागेको भन्यो तर केरकार गर्दै गएपछि सुन ल्याएको स्वीकार ग¥यो । अनि हामीलाइ सुन लुकाएको ठाउँ देखायो अनि हामीले बरामद ग¥यौ । कर छली सँग सम्बन्धित भएकाले हामीले १६ किलो सुन सहित गुरुङलाइ राजश्व अनुसन्धान बिभाग काठमाडौमा पठाएका छौ । काठमाडौ जिल्ला अदालतबाट म्याद थप गरेर बिभागले अनुसन्धान गरिरहेको  छ । ४५ दिनभित्र उहाहरुले मुद्धा दायर गरिसक्नु पर्छ । उक्त सुन चिनबाट अवैध रुपमा भारत लान लागिएको रहेछ । यो नाकाबाट अवैध सामान ओसारपसार हुने देखिएको छ, अव हामी फरक किसिमको सुरक्षा रणनिती बनाएर अघि बढ्छौ । उत्तरी क्षेत्रमा आवतजावत हुने खच्चडलाइ अव हामी नियमित चेकजाँच गर्छाै । प्रहरी युनिट बढाउने कुरामा पनि पनि जोड दिन्छौ ।’