आश्वासन होइन काम गर
आश्वासन होइन काम गर
पद्धती बिकास सेवा केन्द्र नामक संस्थाले घरघरै पानी उपलब्ध गराउने भन्दै ताप्लेवासीलाइ दिएको आश्वासन हाल सम्म पूरा गरेको छैन । घरमै पानी आउने आशमा श्रमदान स्वरुप स्थानीयले पाइपलाइन खन्ने देखि सिमेन्ट वालुवा बोक्ने काम समेत गरे । घरघरमा धारा पनि जडान भइसक्यो । तर पानी आउदैन । गत असोजमा पानी आउने आश्वासन स्थानीयले पाएका थिए । तर हाल सम्म पानी प्रयोग गर्न नपाउनुमा संस्थाको गैरजिम्मेवारपन छर्लङ्ग देखिन्छ ।
गैरसरकारी संस्थाको लापरवाहीको यो एउटा नमूना मात्र हो । यस्ता थुप्रै कमीकमजोरीहरु गैरसरकारी संस्थाहरुको छ । जुन आगामी दिनमा सच्चिएर अघि बढ्नु आवश्यक देखिन्छ । यस अघि पनि काममा लापरवाही गरेको भन्दै पद्धती संस्था वेला वखत विवादीत बन्दै आएको छ । तर बारम्वार त्यही गल्ती दोहो¥याएर नसच्चिनु संस्था आफैका लागी घाटा हो ।
जनताको भवनासँग खेलवाड गर्ने अधिकार कोही कसैलाइ छैन । स्थानीयलाइ आश्वासन दिएर शुरु गरिएका कामलाइ समयमै सम्पन्न गर्नुपर्छ । गैरजिम्मेवार पूर्ण रुपमा काम अलपत्र छाड्नु न्यायोचित हुदैन ।
जिल्लावासीका भूकम्प पीडित सँगै स्थानीयको समस्यालाइ बिकाएर बिदेशी दातृ निकायबाट पाएको सहयोग रकमको सहीसदुपयोग हुुनुपर्छ । चिल्ला गाडी चढेर भत्ता खानेभन्दा स्थानीयलाइ कसरी प्रभावकारी सेवा पु¥याउन सकिन्छ भन्ने बारेमा सोच्नु आवश्यक छ ।
