गोरखा ः निजामती सेवामा प्रवेश गरी जिल्लामा कार्यरत जनजाती कर्मचारीहरु सम्मानित भएका   छन् ।
२५ औँ विश्व आदिवासी दिवसको अवसर पारेर नेपाल आदिवासी जनजाती महासंघ जिल्ला समन्वय परिषद गोरखाले शाखा अधिकृत र त्यस भन्दा माथिल्लो स्तरका निजामती कर्मचारीलाइ दोसल्ला ओडाएर कदरपत्रले सम्मान गरेको हो ।

सम्मानित हुनेमा गोरखा नगरपालिकाकी प्रमुख प्रशासकिय अधिकृत कृष्णकुमारी श्रेष्ठ, प्रमुख प्रशासकिय अधिकृत मध्य बारपाक सुलिकोट गाउँपालिकाका शिवबहादुर गुरुङ, चुमनुब्री गाउँपालिकाका भिमसेन श्रेष्ठ, गण्डकी गाउँपालिकाका राकेश गुरुङ र शहिद लखन गाउँपालिकाका जिवन आलेमगर रहेका छन् ।

---

---

जिल्ला आयोजना कार्यान्वयन इकाइ भवनकी प्रमुख सुनिता श्रेष्ठ, गोरखा नगरपालिकाका लेखा अधिकृत प्रकाश थापा मगर, जिल्ला प्रशासन कार्यालयका अधिकृत डिल्लीप्रसाद श्रेष्ठ, शहरी आवास तथा भवन कार्यालयका इन्जिनियर अजयकुमार श्रेष्ठ र  अधिकृत विश्वबाबु श्रेष्ठ पनि सम्मानित भएका छन् ।

दिबसको अवसरमा ‘मिस आदिवासी २०७५’ की उपाधी विजेता धार्चे गाउँपालिकाकी एलिजा गुरुङलाई पनि सम्मान गरिएको  छ ।

परिषद जिल्ला अध्यक्ष विष्णु राना मगरको अध्यक्षतामा भएको कार्यक्रममा आदिबासी जनजाती महासंघका पूर्व केन्द्रिय महासचिव परशुराम तामाङले पहिचान र अधिकारका लागि सबै एकजुट हुनपर्ने बताए ।