भूकम्पले क्षति पुगेका जिल्लाका धार्मिक सम्पदाहरु पुननिर्माणको गति कछुवा गतिमा अघि बढेको छ । बल्लतल्ल पुननिर्माणको काम शुरु भएको ऐतिहासिक गोरखा दरवारको काममा उस्तै लापरवाही र ढिलाइ भइरहेको छ । भूकम्पले क्षति पुगेका जिल्लाका गुम्वा पुननिर्माणको काम अझै शुरु भएको छैन ।

ऐतिहासिक तथा धार्मिक सम्पदा पुननिर्माणमा भएको ढिलाइले जिल्लाको पर्यटन प्रवद्र्धन देखि आर्थिक क्षेत्रमा समेत नकरात्मक प्रभाव पारिरहेको छ ।

---

---

भूकम्प लगतै क्षति पुगेका गुम्वाको प्राविधिकद्धारा स्थलगत                निरिक्षण गरी ९१ वटा गुम्वा पुननिर्माण र १३ मर्मत गर्नुपर्नेमा सूचिकृत गरेका थिए । तर भूकम्प गएको चार बर्ष बितिसक्दा समेत गुम्वा पुननिर्माण हुन नसक्नु बिडम्वना हो ।

गत बर्ष गुम्वा पुननिर्माणका लागी आएको रकम पनि काम नभएर फ्रिज भएर गयो । रकम अभावमा काम नहुनु अलग कुरा हो तर रकम आएर पनि काम गर्न नसकेर फ्रिज भएर जानु लज्जास्पद कुरा हो । यो बर्ष पनि ५० वटा गुम्वा पुननिर्माण तथा मर्मतका लागी भनेर रकम आएको छ ।

गत आर्थिक बर्ष जस्तै काम नभएर आएको रकम फ्रिज भएर जाने वातावरण नबनोस् । यसमा सम्बन्धित निकाय जिम्मेवार हुनुपर्छ ।

गुम्वाहरु मात्र होइनन् जिल्लामा भूकम्पले क्षति पुगेका अन्य धार्मिक तथा ऐतिहासिक सम्पदाहरुको पुननिर्माणको अवस्था पनि सन्तोषजनक छैन ।

कपितय सम्पदाको पुननिर्माण नै शुरु हुन सकेको छैन । शुरु भएकाहरुको पनि काम सन्तोषजनक छैन । यसले समग्र जिल्लाको पर्यटन प्रवद्र्धनमा प्रभाव पारिरहेको छ ।

जसको असर जिल्लाको आर्थिक क्षेत्रको बिकासमा देखिएको छ । त्यसैले ऐतिहासिक तथा धार्मिक सम्पदाहरुको पुननिर्माणलाइ तिव्रता दिन सबैले हातेमालो गर्नुआवश्यक छ । सम्बन्धित निकाय बढि जिम्मेवार हुनु आवश्यक           छ ।