तपाईं दैनिक कति समय हिँड्नु  हुन्छ ? संभवत यसको हिसाब किताब राख्नुभएको छैन । मुड चल्दा हिँड्नुहुन्छ । अन्य दिनमा हिँड्ने जाँगर चल्दैन । सागसब्जी किन्न बजारसम्म पुग्न पनि तपाईंलाई मोटरसाइकल चाहिन्छ । आधा घण्टा, एक घण्टा वा त्यो भन्दा बढी समय लाग्ने यात्राका लागि तपाईं गाडी चढ्नुहुन्छ । त्यती मात्र होइन,                थोरै दुरी छिचोल्न परेमा पनि तपाईंलाई हिँड्ने जाँगर चल्दैन ।

यात्रामा हिँड्ने कुरै भएन । कार्यलयमा पुगेपछि हिँड्ने कहाँ ? कामको चक्करमा एउटै कुर्सीमा बसेर घण्टौं बिताइदिनुहुन्छ । साथीभाईसँग गफिन पाएमा पनि तपाईं घण्टौ एकै आसनमा बस्नुहुन्छ । घरमा  त हिँडडुल गर्ने फुर्सद नै छैन । वास्तवमा पैदल हिँड्नु स्वास्थ्यका लागि अति लाभदायक छ ।

---

---

यद्यपि हामी पैदल हिँड्नु अल्छी मान्छौं । पैदल हिँड्दा समय बर्वाद भएको ठान्छौं । शहरमा धूलो, धुँवाले गर्दा पनि पैदल हिँड्न केही कठिाइनाई छ । जबकी पैदल हिँड्ने हो भने न समयको बर्वाद हुन्छ, न स्वास्थ्यमा क्षति नै । पैदल हिँड्दा शरीरको समुचित व्यायाम हुन्छ । जब तपाईं फटाफट हिँड्न थाल्नुहुन्छ, तपाईंका हात, खुट्टा लगायत सबै अंग सक्रिय हुन्छ । कुनैपनि अंगलाई भार पर्दैन ।

समुचित ढंगले सबैको व्यायाम हुन्छ । यद्यपि दश, पन्ध्र मिनेटको बाटोमा पनि हामी गाडी चढ्छौं । कार्यलय आउजाउ गर्दा गाडी नभई हुन्न । किनमेल गर्न जाँदा गाडी नै चाहिन्छ । हामीमा हिँड्ने बानी छैन । हिँड्न हामीलाई जाँगर चल्दैन । न व्यायाम गर्छौं, न पैदल हिँड्न जाँगर चलाउँछौं ।

त्यही कारण हाम्रो शरीर जिर्ण र रोगी हुँदै जान्छ । औषधी खाने अवस्थामा पुगिसकेपछि मात्र व्यायाम गर्नुपर्ने रहेछ भनेर हाम्रो चेत खुल्छ । जबकी सामान्य काममा पनि हिँडडुल गर्ने बानीको विकास गर्ने हो भने यस्ता सानातिनो रोगले शरीरलाई केही गर्न सक्दैन । त्यसैले दिनमा केही न केही वाहाना गरेर भएपनि हिँड्ने गरौं । पैदल हिँडौं । छोटो दुरीमा कार्यलय छ भने पैदल हिँड्दै पुग्नु उत्तम हो ।

यसले गर्दा अतिरिक्त व्यायाम गर्ने समय खर्च हुँदैन । पैदल हिँड्दा मांशपेशीदेखि मस्तिष्कसम्मलाई फाइदा पुग्छ । जब तपाईं फटाफट हिँड्न गर्नुहुन्छ, मांशपेशी, हड्डी, जोर्नी लगायतको स्वत व्यायाम हुन्छ । मधुमेह, उच्च रक्तचाप जस्तो समस्या भएकाहरुले त हिँड्नु अरु फाइदाजनक छ ।

स्वस्थ्य मुटु

पैदल हिँड्ने मान्छेको मुटु स्वस्थ्य हुन्छ । पैदल हिँड्दा मुटुलाई निकै फाइदा पुग्छ । चिकित्सकका अनुसार कोलेस्टोरलाई सन्तुलित राख्नका लागि सही खानपानसँगै दैनिक तीस मिनेट हिँड्नु अनिवार्य छ । बलियो हड्डीःनियमित हिँडडुल गर्दा हड्डी तथा जोर्नीलाई पनि फाइदा पुग्छ । तौल नियन्त्रणः

अहिले धेरैजसो मोटोपनको शिकार भएका छन् । उनीहरुलाई मोटोपन कसरी घटाउने भन्ने चिन्ता छ । यदि नियमित रुपले पैदल हिँड्ने हो भने धेरै हदसम्म मोटोपनि पनि नियन्त्रण हुन्छ ।
मधुमेहमा लाभ, मस्तिष्कलाई फाइदाःनियमित रुपमा दैनिक आधा घण्टा हिँड्नुपर्छ, मस्तिष्क पक्षघातको खतरा करिब ३० प्रतिशत कम हुन्छ ।

भनिन्छ, नियमित पैदल हिँड्दा मस्तिक पनि स्वस्थ्य हुन्छ । बिहान खाली खुट्टा हरियो चौरमा हिँड्दा आँखाको दृष्टि बढ्छ ।

मुड खराब भएमा ःकहिले काहीँ एकोहोरो काम गरिरहँदा हाम्रो मुड खराब हुन्छ । हामीलाई दिक्क लाग्छ, झर्को लाग्छ । मुड एकनास रहँदैन । स्थिर र शान्त रहँदैन । यदि त्यसो हो भने तीस मिनेट जति पैदल हिँड्नुपर्छ, यस्तो समस्याबाट मुक्ती पाइन्छ ।

–साभार अनलाइनखवर