जिल्लावासीलाई सुरक्षित महशुस गराउ
जिल्लावासीलाई सुरक्षित महशुस गराउ
पछिल्लो समय जिल्लामा अपराधिक क्रियाकलापमा संलग्न गिरोह सक्रिय देखिएको छ । बलात्कार, हत्या, चोरी जस्ता घटनाहरु दैनिक जसो भइरहेका छन् । प्रहरीकै बाक्लो उपस्थिती रहने सदरमुकाममै अपराधिक क्रियाकलाप बढ्न थालेपछि जिल्लावासीहरु त्रसित छन् ।
उनीहरुलाइ सुरक्षित महशुस गराउन प्रहरीले थप सक्रियता बढाएर अपराधिक क्रियाकलाप न्यूनिकरणमा ध्यान दिनु आवश्यक देखिन्छ ।
केही दिन अघि मात्र सदरमुकाम आसपासकै घरहरु फुटाएर गहना चोरी भयो । लगतै मनकामना वहिरा आवासिय माध्यामिक बिद्यालयका कार्यालय सहयोगी बिद्यालय नजिकैको जंगलमा मृत्त अवस्थामा फेला परे । श्रीमानद्धारा श्रीमतीको घाटी रेटेर हत्या गरियो । गोरखा नगरपालिकको आहालेमा रहेको सहकारी फोडियो ।
सदरमुकाम आसपास नै भइरहेका यस्ता अपराधिक घटनाले जिल्लाको शान्ति सुरक्षा कमजोर भएको महशुस गराउछ । हुन त हिजोआज प्रहरीको उपस्थिती र गतिविधी सदरमुकाम आसपास नै फितलो छ । बिशेष गरी रातको समयमा अपराधिक गिरोह सक्रिय हुन्छन् । तर त्यही समयमा बजार क्षेत्रमै प्रहरीको उपस्थिती न्यून हुनुले त्यस्ता गिरोहलाइ प्रश्रय मिलिरहेको हुन्छ ।
ताला लगाएर घर भित्र बस्दा पनि सुरक्षित महशुस गर्न सक्ने अवस्था स्थानीयमा देखिदैन । जिल्लाको शान्ति सुरक्षा कायम गरी जिल्लावासीलाइ सुरक्षित महशुस गराउनु प्रहरीको दायित्व हो । तर शान्ति सुरक्षामा किन प्रहरी प्रशासन चुकिरहेको छ ? यो सोचनिय बिषय हो ।
हुन त शान्ति सुरक्षा कायम गरेर अपराधिक क्रियाकलाप न्यूनिकरणको दायित्व प्रहरीको मात्र होइन । नागरिकहरुको पनि उत्तिकै जिम्मेवारी रहन्छ । नागरिक स्वय सचेत रहने, घटना हुने संकेत पाएमा वा भएमा तत्काल प्रहरीलाइ खवर गर्ने हो भने अपराधिक क्रियाकलाप न्यूनिकरणमा टेवा पुग्ने छ । र प्रहरीले पनि आफ्नो गतिविधिलाइ बढाएर थप सक्रिय हुनु जरुरी छ ।
