यसरी भएको थियो घिमिरेको हत्या
यसरी भएको थियो घिमिरेको हत्या
गोरखा ः गत साउन २८ गते मृत अवस्थामा फेला परेका श्यामहरी घिमिरेको अन्तत हत्या भएको खुलेको छ ।
घटना भएको १२ औ दिनमा उनको हत्या भएको खुल्न आएको प्रहरीले जनाएको छ ।
गोरखा नगरपालिका(१० को मनकामना वहिरा आवासिय माध्यमिक बिद्यालयमा कार्यालय सहयोगीको रुपमा काम गर्दै आएका घिमिरे विद्यालय नजिकैको कुवाडी सामुदायिक वनमा मृत अवस्थामा फेला परेका थिए । रहस्यमय मृत्यु भएको भन्दै आफन्त र गाउँलेले हत्या भएको दावी गर्दै आएका थिए ।
घटनाको सत्यतथ्य छानविन गरी दोषीलाइ कारवाहीको माग गर्दै बिभिन्न चरणमा आन्दोलन समेत भए । प्रहरीले अनुसन्धान गरीरहेपनि घटनाको सत्यतथ्य पत्ता मुश्किल परिरहेको थियो । घिमिरेको मृत्यु भएको हो वा हत्या भएको हो भन्ने कुरा समेत प्रहरीले थाहा पाउन सकेको थिएन ।
उक्त घटना सेलाउन नपाउँदै गोरखा नगरपालिका–९ लक्ष्मीबजारमा अर्को घटना थपियो । साउन ३२ गते आफ्नै श्रीमतीलाइ खुर्पाले घाटी रेटेर हत्या गर्ने श्रीमान याकुक परियारलाइ प्रहरीले पक्राउ ग¥यो ।
परियारसँग वयान लिदै गर्दा घिमिरेको समेत आफैले हत्या गरेको स्वीकार उनले गरेको प्रहरीको दावी छ । शुक्रबार पत्रकार सम्मेलन गरी याकुवले नै घिमिरेको पनि हत्या गरेको भनि स्विकार गरेको एसपी ओम अधिकारीले बताए ।
यसरी भएको थियो घिमिरेको हत्या ः याकुवले प्रहरीमा दिएको वयानमा आधारित
‘याकुव सहित उनका परिवार झारफुकका लागी भन्दै गत साउन २७ गते साँझ टक्सार पुग्छन् । झारफुक गर्नै लाग्दा याकुवको परिवार सँग विवाद हुन्छ । परिवारका सदस्यलाइ हातपात गरी याकुव त्यहा बाट फुत्कन्छन् ।
रिसको झोकमा सडक किनारमा कुद्दै गर्दा टक्सार स्थित जंगलमा घिमिरेसँग याकुवको जम्काभेट हुन्छ । केही पर पुगिसकेपछि याकुव विद्यालयबाट फर्किदै गरेका घिमिरे माथि जाइलाग्छन् ।
मुक्का प्रहार गर्छन् । मुक्का प्रहारबाट सडक किनारमा ढलेका घिमिरेको कपडा समातेर याकुवले जंगल तर्फ घिसार्छ । एक हातले घिमिरेको घाटी थिच्छन् । उनीहरु दुवै केही तल पुगेर रुखमा अड्कन्छन् । घाँटी थिचिएको अवस्थामा अर्धचेत भएका घिमिरेलाइ तानेर छात्ती माथि चढी मुन्टो बटारेर याकुव फर्कन्छन् ।
सडक किनारमा आइपुगेर हतास अवस्थामा याकुवलाइ उनका परिवारले भेटछन् । श्रीमतीलाइ अंगालेर याकुव रुन थाल्छन् । पुन ः झारफुक गरी उनीहरु घर फर्कन्छन् ।’ याकुव अहिले हिरासतमा छन् । श्रीमती हत्या आरोपमा उनलाइ कर्तव्य ज्यानमा मुद्धा दर्ता भइसकेको छ ।
घिमिरेको हत्या आरोपमा पनि कर्तव्य ज्यानमा मुद्धा दर्ता हुने एसपी अधिकारीले बताए । कानूनी परामर्श गरेर दुवै मुद्धा दर्ता गरी अनुसन्धान थाल्ने प्रहरीको तयारी छ ।
