मेलाको सहमति जुटाउँदै चेम्वर
मेलाको सहमति जुटाउँदै चेम्वर
गोरखा ः दशैलाई लक्षित गरेर चेम्वर अफ कर्मस गोरखाले १० दिने सस्तो वजार मेलाको आयोजना ग¥यो । मेलाको मिति घोषणा सँगै विवाद र असन्तुष्टि देखिन थाले । कपडा ब्यवसायी सस्तो वजार मेलाले आफुहरुको ब्यवसाय चौपट हुने भन्दै असन्तुष्ट वने ।
कार्यक्रम स्थल हरमटारी खेल मैदान प्रयोगको विषयमा रस्साकस्सी नै प¥यो । मैदानमा लगाइएको तारवार तोडेर मेला गर्न लागेको भन्दै गोरखा जिल्ला फुटवल संघले आपत्ति जनायो । मैदानमा मेला गर्न नदिन प्रमुख जिल्ला अधिकारीसँग हारगुहार ग¥यो ।
आयोजक चेम्वर अफ कर्मसले सहमित जुटाउन दुइ पक्षिय र तीन पक्षिय छलफल जारी राख्यो । तर पटक पटकको प्रयास बिफल बन्दै आयो । अन्तत विहीवार फुटवल संघ, जिल्ला खेलकुद बिकास समिति, चेम्वर अफ कर्मस र हरमटारी क्लब बिच सहमति जुट्यो । सहमति अनुसार चेम्वर अफ कर्मसले मैदानमा लगाइएको तारवार हटाएर मेला गर्ने भएको छ ।
तारवारका लागी खर्च भएको रकम दिने शर्तमा सहमती जुटेको चेम्वर अफ कर्मस गोरखाका अध्यक्ष भाइचन्द्र श्रेष्ठ बताउछन् । ‘सबै पोल भत्काउदैनौ, मेलाका लागी आवश्यक मात्र भत्काउछौ,’ उनले भने, ‘मेला सकिएपछि हामी फेरि पोल गाडिदिन्छौ ।’
खेलकुद बिकास समितिले मैदानको पूर्व पट्टिको भागमा कम्पाउण्ड समेत लगाउने भएको छ । शौचालय पनि मर्मत गरिने भएको छ । सहमति जुटेपनि आफू सन्तुष्ट नभएको गोरखा जिल्ला फुटवल संघका अध्यक्ष दिपेन्द्र श्रेष्ठले बताए । ‘हाम्रो अहिले सम्म करिव ६ लाख रकम खर्च भएको थियो, त्यसको चेक पाइयो तर खेलमैदानमा खेलकुदका गतिविधी भन्दा अरु गतिविधी बढि भएकोमा हामीलाइ चिन्ता छ,’ उनले भने ।
खेलकुद बिकास समितिका कारण समस्या निम्तिएको उनले बताए । कपडा व्यवसायीको असन्तुष्टी भने ज्यू का त्यू छ । मेलाको बिरोधमा बिहीवार उनीहरुले बिरोध ¥याली निकालेका छन् ।
व्यवसायीको हकहित बिपरित मेला आयोजना गरिएको उनीहरुको आरोप छ । प्रमुख जिल्ला अधिकारीलाइ ज्ञापनपत्र बुझाउदै उनीहरुले मेला स्थगन गराउन आग्रह गरेका छन् । बिरोध स्वरुप उनीहरुले बिहीवार केही वेर पसल बन्द समेत गरेका थिए ।
