दशै अगावै ‘फोर जी’ सेवा
दशै अगावै ‘फोर जी’ सेवा
गोरखा ः नेपाल टेलिकमले दशै अगावै जिल्लामा ‘फोर जी’ सेवा संचालन गर्ने भएको छ ।
टावरमा उपकरण जडानको काम भइरहेको कार्यालयले जनाएको छ । ‘सदरमुकाम आसपासको टावरमा डिभाइस जडान भइसक्यो,’ कार्यालयका सूचना अधिकारी सन्दिप ढकालले भने, ‘एन्टिना फिट गर्न मात्र बाँकी छ ।’ धारापानी, आहाले डाँडा, उपल्लोकोट, हर्मीकोट र कार्यालयमा रहेको टावरमा उपकरण जडान गरिएको उनले बताए ।‘पहिलो चरणमा यी टावरबाट सेवा संचालन गर्छाै, गोरखा नगरपालिकाको अधिकांश वडा कभरेज हुन्छ,’ उनले भने । छोप्राक, हर्मी र आपपिपल पनि सेवाको पहुँचमा रहने उनले जानकारी दिए । दशै पश्चात अन्य टावरबाट सेवा शुरु गर्ने तयारी कार्यालयको तयारी छ । तयारी छ ।
‘फोर जी’ सेवा शुरु भएसँगै मोवाइल डाटा राम्रो चल्ने उनले बताए । ‘अहिले थ्रि जी सेवा हो, तर धेरैठाउँमा टिप्दैन, अव फोर जी शुरु भएपछि भिडियो प्ले गर्दा पनि अड्किदैन, डाटा राम्रो चल्छ,’ उनले भने । आवश्यक सबै उपकरण नआउँदा सेवा सुचारु गर्न ढिलाइ भएको उनको भनाइ छ ।
एक बर्षमा जिल्लाका सबै ठाउँमा ‘फोर जी’ सेवा संचालन हुने कार्यालयले जनाएको छ । ‘हामी सँग बिभिन्न ठाउँमा गरेर करिव ४८ वटा टावर छन्, एक बर्ष भित्र सबैमा डिभाइस जडान गरेर सेवा शुरु गर्ने लक्ष्य छ,’ ढकालले भने ।
