गोरखा ः त्रिभुवन वाचनालय सम्भवत जिल्लाको पहिलो पुस्तकालय हो, स्थानीय दावी  गर्छन् । २००८ सालमा गोरखा नगरपालिका(६ तिनधारेमा स्थापना भयो ।पुस्तकहरु राखिए । चहल पहल राम्रै हुन्थ्यो ।

‘त्यो बेला पाटेचौरको शक्ति स्कुल जिल्लाको एक मात्र माध्यमिक बिद्यालय थियो,’ वडा नम्वर ६ का अध्यक्ष नारायण बाबु अर्याल सम्झन्छन्, ‘गाउँबाट पढ्न झरेका बिद्यार्थीहरु पुस्तकालय पनि आउथे ।’ युवाहरुको सक्रियतामा पुस्तकालय राम्रै संचालन भएको थियो । युवाहरु निष्कृय बन्दै गए । पुस्तकालयमा चहलपहल घट्यो । हेरचाह अभावमा पुस्तको संरक्षण भएन । कितावहरु हराउन थाले ।

---

---

समय समयमा संचालनको प्रयास भए । तर निरन्तरता पाउन             सकेन । भवन जिर्ण बन्न थाल्यो । २०७२ सालको भूकम्पले पुस्तकालयको भवनमा क्षति पु¥यायो । अस्तित्व हराउँदै गयो । गुमनाम रहेको पुस्तकालय व्यूताँउन अहिले स्थानीयको सक्रियता बढेको छ ।

भूकम्पले क्षति पुगेको भवन भत्काइएको छ । तीन तले नयाँ भवन बन्दैछ ।
गोरखा नगरपालिकाले १३ लाख रकम दिएको छ । भवन निर्माण समिति गठन गरेर काम भइरहेको छ । करिव ५० लाख लाग्ने अनुमान समितिको छ ।

पुस्तकालयको शाख जोगाउन स्थानीय लागी परेका छन् । ई– पुस्तकालय बनाउने स्थानीयको योजना छ । ‘आधुनिक पुस्तकालय बनाउने लक्ष्य हो, आर्थिक सहयोग पनि जुटाइरहेका छौ,’ स्थानीय              रन्जित श्रेष्ठले भने । पुस्तकालयमा अहिले कुनै किताव छैनन् ।

भवन बनेसँगै पुस्तकहरुको जोहो गर्ने स्थानीयको तयारी छ । पत्रपत्रिका समेत राख्ने व्यवस्था गर्ने तयारी भइरहेको स्थानीयहरुले बताएका छन् ।