गोरखा ः बारपाक सुलिकोट गाउँपालिकाका जेष्ठ नागरिकले    घरमै स्वास्थ्य जाँच सेवा पाउन थालेका छन् ।
जेष्ठ नागरिक स्वास्थ्य           परिक्षण कार्यक्रम संचालन गर्दै पालिकाले ८० बर्ष माथिका           नागरिकलाइ घरमै पुगेर स्वास्थ्य जाँच सेवा शुरु गरेको छ । चालु आर्थिक बर्षबाट कार्यक्रम शुरु           गरिएको स्वास्थ्य शाखा संयोजक मोदराज भट्टले बताए ।

‘पालिका भित्रका आठ वटै वडाको           घरघरमा पुगेर स्वास्थ्य जाँच सेवा संचालन गरेका छौ,’ उनले भने, ‘सबै जेष्ठ नागरिकले यो सुविधा पाउछन् ।’

---

---

यही भदौ ४ गते सबै स्वास्थ्यकर्मीका लागि   अभिमुखीकरण तालीम प्रदान गरी कार्यक्रम शुरु गरिएको उनले जानकारी दिए । ‘धेरै जेष्ठ  नागरिकहरु उपचारका लागि स्वास्थ्य संस्था आउन सक्ने अवस्था छैन, यो कार्यक्रम फलदायी हुन्छ भन्ने अपेक्षा गरेका छौ,’ उनले  भने । यस अघि पालिकाले ७० बर्ष माथिका जेष्ठ नागरिकलाइघरमै पुगेर सेवा दिने योजना बनाएको थियो । तर नागरिकको संख्या धेरै स्वास्थ्यकर्मीको संख्या कम भएपछि सम्भवन नभएको भट्ट बताउछन् ।
नेपाल सरकारको तय गरेका राष्ट्रिय कार्यक्रमहरुलाई असर नपर्ने गरि जेष्ठ नागरिक स्वास्थ्य  परिक्षण कार्यक्रम सञ्चालन गरिएको उनको भनाइ छ ।

गाउँघर क्लिनिक, खोप तथा पोषण जस्ता कार्यक्रमलाई पनि प्रभाव नपर्ने उनले बताए । घरघरमा पुगेर सेवा दिने स्वाथ्यकर्मीलाइ पालिकाले प्रोत्साहन भत्ता स्वरुप केही रकम उपलब्ध गराउने छ । घरघरमा पुगेर स्वास्थ्यकर्मीले जेष्ठ नागरिकहरुको स्वास्थ्य अबस्था कस्तो छ ? भन्ने बारे जानकारी लिने र त्यसको रिर्पोटिङ समेत महिनाको एक पटक गर्नुपर्ने व्यवस्था गरिएको छ ।

एकजना स्वास्थकर्मीले दिनमा २० जना सम्म जेष्ठ             नागरिकहरुको स्वास्थ्य परीक्षण गर्न सक्ने भट्ट बताउछन् । गाउँहरु टाढा भएको ठाउँमा भने केही समस्या हुन सक्ने उनले बताए ।