बुढीगण्डकी डुबान क्षेत्रमा पर्ने वजार क्षेत्र आरुघाट, आर्खेत र खहरेको मुआब्जा निर्धारण हुन सकेको छैन् । तिन वर्ष देखि जग्गा रोक्का छ ।

प्रभावित समस्यामा छन् । आफ्नो जायजेथा धितो राखेर ऋण निकाल्न पाएका छैनन् । जग्गा रोक्काले ब्यापार ब्यवसाय ओरालो लागेको छ । आफ्नो सम्पती वेचविखन गरेर छोराछोरीलाई उच्च शिक्षा पढाउन पठाउन पाएका                  छैनन् ।
लामो समय अन्योल हुदा प्रभावित निराश छन् । छिटो र उचित मुआब्जा निर्धारण उनिहरुको माग छ । आयोजना निर्माणको चरणमा जानु पुर्व प्रभावितलाई मुआब्जा वितरण सक्नुको विकल्प पनि छैन । मुआब्जा निर्धारण गर्नै पर्छ भने किन अल्झन ।

---

---

यसमा सरोकारवाला सरकारी निकायका प्रतिनिधिले जिम्मेवारी वहन नगरेको प्रस्ट देखिन्छ । मुआब्जा निर्धारणको जिम्मा पाएका प्रमुख जिल्ला अधिकारीले यसमा अग्रसरता देखाउनै पर्छ । लामो समय सम्म प्रभावितलाई अन्योलमा राख्नु न्यायोचित हुदैन । एउटै आयोजना । एउटै प्रयोजन । मुआब्जा पाएका क्षेत्रका प्रभावितले वसोवासको प्रवन्ध गरिसके । वजार क्षेत्रमा देखिएको गाठो फुकाउन  राजनितिक दलले पनि दवाव दिनु जरुरी छ ।
पुनर्वास र पुनस्थापनाको टुङ्गो लागीसकेको छैन ।

वुढीगण्डकीको वातावरण मुआब्जा वितरण पुनर्वास तथा पुनस्थापना इकाइ यस विषयमा जिम्मेवार हुनै पर्छ । वजार क्षेत्रको मुआब्जा निर्धारणका लागी दुवै जिल्लाका प्रमुख जिल्ला अधिकारी सग समन्वयात्मक भूमिका खेल्ने दायीत्व पनि इकाइको हो ।

तर इकाइले यस विषयमा चासो नदिएका स्वंय प्रभावितको गुनासो छ । डुवान प्रभावित र सरोकारवाला निकायाले पनि मुआब्जा निर्धारणमा रचनात्मक सहयोग गर्नुपर्छ ।