सवारी दुर्घटनामा एकको मृत्यु, चार घाइते
सवारी दुर्घटनामा एकको मृत्यु, चार घाइते
गोरखा ः बारपाक सुलिकोट गाउँपालिका–८ गैरीछापमा बुधवार राती ट्याक्टर दुर्घटना हुँदा चालकको मृत्यु भएको छ ।
ग १ त ४०३७ नम्बरको ट्याक्टर दुर्घटना हुँदा नवलपरासी रामग्राम नगरपालिका–११ का ३० वर्षिय जगदिश प्रसाद चौधरीको ज्यान गएको प्रहरीले जनाएको छ । रड र सिमेन्ट लिएर गैरीछाप बाट धारापानी तर्फ जाँदै गर्दा दुर्घटना भएको ट्राफिक कार्यालयले जनाएको छ ।
गोरखा नगरपालिका–११ पन्ध्र किलोमा एम्वुलेन्स र मोटरसाइकल एक आपसमा ठक्कर खादाँ चार जना घाइते भएका छन् ।
बिहीवार तनहूँको आबुखैरैनी बाट गोरखा सदरमुकाम तर्पm आउदै गरेको ग १ च ९८८५ नम्बरको एम्बुलेन्ससँग विपरीत दिशा तर्पm गइरहेको बा ७६ प ६९११ र बा ६७ प ८७९३ नम्बरको मोटरसाइकल एक आपसमा ठोक्किएर दुर्घटना भएको हो ।
पालुङटार नगरपालिका–१ खोप्लाङका इन्द्र कुमार श्रेष्ठ, राजकुमार श्रेष्ठ, राजेन्द्र कुमार श्रेष्ठ र शुसिल श्रेष्ठ घाइते भएको ट्राफिक टिका शर्माले बताए ।
जिल्ला अस्पताल गोरखामा सामान्य उपचार पश्चात घाइतेलाई थप उपचारका लागी चितवन मेडिकल कलेज लगिएको छ ।
उनीहरु मध्य राजेन्द्र र राजकुमारको अवस्था गम्भिर रहेको ट्राफिक शर्माले जानकारी दिए । एम्बुलेन्स चालक प्रहरी नियन्त्रणमा छन् ।
