सिरानचोक गाउँपालिका वडा नम्वर ४ मा रहेका तीन बिद्यालयका एक सय बिद्यार्थीलाइ झोला वितरण गरिएको छ ।

धर्मावती मावि, जनज्योती आधारभूत बिद्यालय र सर्वाेदय आधारभूत बिद्यालयका बिद्यार्थीलाइ शुक्रवार एक कार्यक्रमका बिच झोला वितरण गरिएको धर्मावती माविका शिक्षक बर्षा ढकालले बताइन् ।

---

---

रोटरी क्लब अफ काठमाडौ र सोलिडारीटि नेपालले सहयोगमा गरिव तथा जेहेन्दार बिद्यार्थीलाइ झोला वितरण गरिएको हो ।

बिद्यालय व्यवस्थापन समितिका अध्यक्षको अध्यक्षता तथा गाउँपालिकाका कार्यवाहक अध्यक्ष दिपक हमालको प्रमुख अतिथ्यतामा कार्यक्रम भएको हो ।

यसअघि पनि बिभिन्न जिल्लाका बिद्यार्थीलाइ झोला वितरण गरिएको सोलिडारिटी नेपालका अध्यक्ष राजेन्द्र गौतमले बताए ।