धार्चे गाउँपालिकाका महिलाहरुलाई पथ प्रद्धर्शक तालिम दिइने भएको छ ।
ट्

रेकिङ क्षेत्रमा महिला गाइड उत्पादन गर्ने उदेश्य रहेको गाउँपालिकाले जनाएको छ । विपन्न समुदायका महिलाहरुलाई बिशेष प्राथमिकता दिइने गाउँपालिका अध्यक्ष सन्तोष गुरुङले बताए ।

---

---

महिला सशक्तिकरण नेपाल             पोखरा नामक संस्थाको आयोजनामा यही पौष २० गतेबाट हुन पोखरामा हुन लागेको तालिममा पालिकाले पनि सहजिकरण                गर्नेछ ।

‘संस्थाले यस अघि दिदै आएको पद प्रद्धर्शक तालिममा हाम्रो पालिकालाइ समेटेको थिएन,’ उनले भने, ‘यस बर्ष भने हाम्रो पालिकाबाट केही महिलाहरु पनि सहभागी हुन पाउनेछन् ।’

विपन्न तथा एसइइ दिएर बसेकालाई छनोट गर्ने तयारी भइरहेको गुरुङले             बताए । तालिम पश्चात              रोजगारको अवसर मिल्ने उनको भनाइ छ । ‘तालिम लिएपछि गाइडको रुपमा काम गर्न पाइन्छ, बिभिन्न एजेन्सीहरुले नियुक्त गर्छन्,’ उनले भने ।

धार्चे गाउँपालिका पर्यटकिय गन्तव्य भएकाले पनि पथ प्रद्धर्शक तालिमको महत्व रहने गुरुङ बताउछन् ।