लाप्राक समाज काठमाडौको अध्यक्षमा धन प्रसाद गुरुङ चयन भएका छन् । समाजको चौथो अधिवेसन तथा सातौ बार्षिक साधारण सभाबाट गुरुङलाई  अध्यक्षमा चयन गरिएको हो ।

गुरुङको अध्यक्षमा ७ सदस्यीय नयाँ कार्यसमिति चयन भएको समाजका पुर्व सचिव लक्ष्मण गुरुङले बताए । जसको उपाध्यक्षमा कान्छी गुरुङ, कोषाध्यक्षमा श्री बहादुर गुरुङ, सचिवमा सौगात गुरुङ चयन भएका छन् । सदस्यहरुमा आम बहादुर गुरुङ, कस बहादुर गुरुङ र आस बहादुर गुरुङ चयन भएको उनले जानकारी दिए ।

---

---

कार्यक्रमकै अवसरमा हिमाल आरोही इमान गुरुङ र रमेश गुरुङलाई सम्मान गरिएको छ । त्यस्तै गत वर्ष लाप्राकको मणिकामदेवी माविबाट एसईईमा उत्कृष्ट अकं ल्याउने मिन राज गुरुङ, आसपनी गुरुङलाई  सम्मान गरिएको उनले बताए ।

कार्यक्रममा संस्थाको आर्थिक प्रतिवेदन श्री बहादुरु गुरुङ र संस्थाको प्रगति प्रतिवेदन दलवीर गुरुङले प्रस्तुत गरेका थिए ।

कार्यक्रममा उत्तरी गोरखा तमु समाजका अध्यक्ष इमान गुरुङ, धार्चे गाउँपालिका अध्यक्ष सन्तोष गुरुङ, वडा अध्यक्ष राज गुरुङ लगायतले मन्तव्य राखेका थिए ।