केशव गुरुङ

शहिद लखन गाउँपालिका(५ ताक्लुङ स्थित औउलचौरमा औगोगिक ग्राम निर्माण सम्झौता भएको छ ।

---

---

औद्योगिक ग्राम निर्माणका लागि संघिय सरकारको उद्योग वाणिज्य तथा आपूर्ति मन्त्रालय र शहिद लखन गाउँपालिका बीच मंगलबार सम्झौता पत्रमा हस्ताक्षर भएको हो ।

स्थानीय स्तरको स्रोत, कच्चा पदार्थ, प्रविधि र सीपको  परिचालन गरी घरेलु तथा साना उद्योगमा लगानी वृद्धि गर्ने उदेश्यले ग्राम स्थापना गर्न लागिएको गाउँपालिका अध्यक्ष रमेश थापाले बताए । उनका अनुसार करिब ६० रोपनी जग्गामा ग्राम निर्माण  हुनेछ ।

ग्रामको डिपिआर प्रतिवदेन तयार गरी वातारणीय प्रभाव मूल्याङकन पहिचान गर्ने र तत्काल काम शुरु गर्ने थापाले बताए । ग्राम भित्र प्रशासनिक भवन निर्माण, दिवा शिशु स्याहार केन्द्र, अग्नी नियन्त्रणको व्यवस्था, सामान प्रदर्शनी तथा विक्रि केन्द्र, शौचालय, पार्किङ स्थल, चमेना गृह, प्राथमिक स्वास्थ्य केन्द्र लगायतका संरचना निर्माण हुनेछन् ।

त्यस्तै पहुँच मार्ग, पैदल मार्ग, गोदाम घर, पानी आपूर्तिको व्यवस्था, भूमिगत तथा सतही ढल निकासको व्यवस्था, औद्योगिक फोहोर व्यवस्थापन संयन्त्र, विद्युत प्रसारण लाइन लगायतका पूर्वाधार विकास गर्नुपर्ने छ ।

मंगलवार भएको सम्झौता अनुसार औद्योगिक ग्राम निर्माणका लागी मन्त्रालयले चालु आर्थिक वर्ष ९२ लाख रकम उपलब्ध गराउने छ । औद्योगिक ग्राम घोषणा भएको क्षेत्र मध्ये प्रथम चरणमा चार किल्ला सहितको घेराबार एव रेखाङ्गन गरी मन्त्रालयमा वितरण पेश गर्नु             पर्नेछ ।

ग्राम भित्रका कुल जग्गाको करिव ७० प्रतिशत उद्योग स्थापनाका लागी उपयोग                 गर्नुपर्छ । स्थानीय तहलाइ केन्द्रले उपलब्ध गराउने अनुदानबाट स्थानीय तहहरुले पूर्वाधार बिकास कार्यक्रम संचालन गर्नेछन् ।