भूकम्पले क्षति पुगेको ऐतिहासिक गोरखा दरवार पुनर्निर्माणमा भएको ढिलाइ प्रति नारायणदास अज्र्याल स्मृती प्रतिष्ठानले ध्यानाकर्षण भएको जनाएको छ ।
शुक्रवार गोरखा संग्रहालय र गोरखा दरवार हेरचाह अड्डा मार्फत संस्कृति, पर्यटन तथा नागरिक उड्डयन मन्त्रालयलाइ ज्ञापन पत्र बुझाउदै दरवार पुननिर्माणको काम यथाशिघ्र सम्पन्न गर्न प्रतिष्ठानले माग गरेको छ ।

‘गोरखाकालिका, गोरखनाथका  पुरोहित, पुजारी, सुसारे, ह्यामीनी, नगर्ची आदि घट्दै गएको र नियमित पुजा नै बन्द हुने अवस्थामा पुगेकाले चलिआएको थरघरलाई कायम गरी सो को व्यवस्था गरियोस्,’ प्रतिष्ठानका अध्यक्ष सरोज अर्यालद्धारा हस्ताक्षरित ज्ञापन पत्रमा भनिएको छ ।

---

---

दरवारको पशुपतिनाथ र विद्यामन्दिरमा बन्द भएको नियमित पुजा सुचारु गर्न पनि प्रतिष्ठानले माग गरेको छ । उपल्लो कोटको बज्र भैरवको मन्दिर जिर्ण बन्दै गएको भन्दै मर्मत संहार गरी नियमित पुजाको व्यवस्था मिलाउन पनि माग गरिएको छ ।

भ्रमण बर्ष सफल बनाउनका लागी गोरखा संग्रहालयका पार्क, वाल उद्यान र भित्रका सामग्रीलाइ आकर्षित र थप व्यवस्थित गरी पर्यटन प्रवद्र्धनमा सहयोग पु¥याउन आग्रह गरिएको छ ।

प्रतिष्ठानका सल्लाहकार नारायणभक्त अर्यालको नेतृत्वमा ज्ञापनपत्र बुझाउन गएको टोलीमा गोरखा नगरपालिका वडा नम्वर ६ का अध्यक्ष नारायणबाबु अर्याल, प्रतिष्ठानका उपाध्यक्ष उमेश अर्याल, सहसचिव रामवावु अर्याल, सदस्य बिष्णुहरी अर्याल, सल्लाहकार पुरुषोतम अर्याल लगायतका पदाधिकारीको उपस्थिती रहेको थियो ।