उत्तरी गोरखाको चुम्चेत घर भएका कर्मा लामालाइ बिद्यालय जान पुरै दिन हिड्नुपर्छ । सिर्दिवासको बुद्ध माध्यमिक बिद्यालयको कक्षा ६ मा उनी अध्ययनरत छन् ।

घर देखि करिव २० किलोमिटरको दुरीमा बिद्यालय पर्छ । सडक संजाल नजोडिएका कारण घरबाट बिद्यालय आउजाउ गर्न पुरै दिन खर्चनुपर्ने बाध्यता लामालाई छ ।

---

---

छेकम्पार घर भएका कर्माका साथी सोनाम लामालाइ त झन् घरबाट बिद्यालय पुग्न करिव दुइ दिन लाग्छ । बिद्यालयको पठनपाठन नछु्टाउनका लागी उनीहरु दुवै होस्टलमा बस्छन् ।

बिद्यार्थीहरु नियमित बिद्यालय आउने वातावरण सृजना गर्नका लागी छात्रावासको व्यवस्था मिलाइएको बिद्यालयका प्रधानाध्यापक प्रकाश घिमिरेले बताए । ‘हामीसँग ३५७ जना बिद्यार्थी छन्, उनीहरु मध्य १ सय ८९ जना छात्रवृत्ति कोटामा पढिरहेका छन्,’ उनले भने । बुद्ध मावि चुमनुव्री गाउँपालिकाभर एक मात्र माध्यमिक तहको बिद्यालय भएको उनी   बताउछन् ।

चुमनुव्री गाउँपालिका भित्रका मात्र होइन उक्त बिद्यालयमा उहिया, गुम्दा, काशिगाउँ र केरौजाका बिद्यार्थी पनि पढ्न आउने बिद्यालयले जनाएको छ ।

भूकम्पका कारण उक्त बिद्यालय भवनमा क्षति पुगेको छ । तर अहिले सम्म बिद्यालय भवन पुननिर्माण भएको छैन । भूकम्प पश्चात बुद्ध मावि सहित दश बिद्यालय भवनको पुननिर्माण गर्ने जिम्मा भारतीय दुतावासले लिएको थियो ।

तर भूकम्पको पाँच बर्ष पुग्नै लाग्दा समेत काम शुरु हुन सकेको छैन । ‘भवनको छानाले बर्षालाइ थाम्दैन, पानी परेको बेला चुहिन्छ, मर्मत गर्न हामीसँग पर्याप्त रकम पनि छैन,’ प्रअ घिमिरेले भने । चौध बर्ष अघि                उत्तरी गोरखाका बिद्यार्थीले उच्च शिक्षा हासिल गर्न आरुघाट,                 गोरखा बजार र काठमाण्डौ जानुपथ्र्याे ।

तर उक्त बिद्यालयले मावि तह संचालन गरेसँगै सो क्षेत्रका बिद्यार्थीलाइ मावि तहको शिक्षा प्राप्त गर्न अन्यत्र धाउनु नपर्ने भएको छ । तर बिद्यालयमा भौतिक पूर्वाधार सँगै पुस्तकालय, बिज्ञान र कम्प्युटर प्रयोगशालाको सुविधा                 छैन । मावि तहमा कुनै पनि स्थायी शिक्षकको दरवन्दी छैन । राहत कोटा अन्तरगत नियुक्त भएका शिक्षकहरुले पठनपाठन गराउदै आएका छन् ।