शहिद लखन गाउँपालिका को छैटौ गाउँ सभा तथा हिउँदे अधिवेशन सम्पन्न भएको छ ।
सोमवार भएको अधिवेशनले आठ विधेयक पारित गरेको छ ।

गाउँपालिकाको कार्यालयमा भएको सभाले गाउँपालिकाको आर्थिक कार्यविधि नियमित तथा व्यवस्थित गर्न बनेको विधेयक, कृषि व्यवसाय प्रवर्दन सम्वन्धमा व्यवस्था गर्न बनेको विधेयक, प्रशासकिय कार्यविधि नियमित गर्ने विधेयक र तथ्याङ्क व्यवस्थापन विधेयक सर्वसम्मत रुपमा पारित गरेको           छ ।

---

---

गाउँपालिकाको औद्योगिक व्यवसाय विधेयक, पूर्वाधार बिकास व्यवस्थापन विधेयक, वातावारण तथा प्राकृतिक स्रोत संरक्षण सम्बन्धमा व्यवस्था गर्न बनेको बिधेयक र सार्वजनिक निजी साझेदारी सम्वन्धमा व्यवस्था गर्न बनेको बिधेयक पनि सर्वसम्मत रुपमा पारित भएको गाउँपालिकाले जनाएको छ ।

कार्यक्रममा गाउँपालिकाकी उपाध्यक्ष इन्दिरा तिवारीले गाउँपालिकाको हाल सम्मको योजना कार्यान्वयन अवस्था, बजेट खर्चको अवस्था र आन्तरिक राजश्व संकलनको अवस्था बारे जानकारी गराएकी थिइन् ।

गाउँपालिका अध्यक्ष रमेश थापा मगरले गाउँकार्यपालिकाको बैठकले हाल सम्म गरेका महत्वपूर्ण निर्णयहरु सभालाइ जानकारी                गराएका थिए । पालिका अध्यक्ष थापाको अध्यक्षतामा कार्यक्रम भएको हो ।