‘लाइभ इन गोरखा’ नामक सांस्कृतिक कार्यक्रम
‘लाइभ इन गोरखा’ नामक सांस्कृतिक कार्यक्रम
भ्रमण बर्ष २०२० लाई लक्षित गरी जिल्ला सदरमुकाममा ‘लाइभ इन गोरखा’ नामक सांस्कृतिक कार्यक्रम हुने भएको छ ।
कालिका सांस्कृतिक कला केन्द्रको आयोजना तथा दारी ग्याङ्ग गोरखाको सहआयोजनामा फागुन १७ गते कार्यक्रम हुन लागेको हो ।
हरमटारी खेलमैदानमा हुने कार्यक्रममा गायक कर्ण दासको बिशेष प्रस्तुती रहने मंगलवार पत्रकार सम्मेलन गरी आयोजकले जनाएको छ ।
‘कार्यक्रममा द नेपालय व्याण्ड चितवन, द गोरखा फ्यूजन, गोरखा मल्टिट्यालेन्ट ग्रुप, द डिस्टूक्सन व्याण्ड र म्युजिकल मन्त्र व्याण्डको प्रस्तुती हुन्छ,’ केन्द्रका बिक्रम तामाङ्गले भने, ‘हाम्रो केन्द्रको तर्फबाट पनि केही प्रस्तुतीहरु रहन छ ।’ दिउँसो तीन बजेबाट कार्यक्रम शुरु हुने उनले बताए ।
जिल्लाको सांस्कृतिक उत्थान गर्दै भ्रमण बर्ष सफल बनाउने उदेश्य रहेको उनको भनाइ छ । कार्यक्रम सम्पन्न गर्न आठ लाख भन्दा बढी रकम लाग्ने अनुमान गरिएको छ ।
कार्यक्रमबाट संकलित रकमको २० प्रतिशत दारी ग्याङ्ग गोरखा मार्फत सामाजिक कार्यमा खर्च गरिने पत्रकार सम्मेलनमा बताइएको छ ।
कार्यक्रम स्थलभित्र हात हतियार, हेल्मेट, लाईटर, सलाई लगायतका सामान लान निषेध गरिएको आयोजकले जनाएको छ ।
आयोजकका अनुसार कार्यक्रमका लागी धमाधम टिकट बिक्री भइरहेको छ । टिकट दर रु ५०० रहेको बताइएको छ ।
कार्यक्रमका लागी सहयोग गरिदिन आयोजकले सबैलाइ आग्रह गरेको छ । केन्द्रले यसअघि पनि बिभिन्न सांस्कृतिक कार्यक्रमहरु गर्दै आएको छ ।
