बिश्व महिला श्रमिक दिवसको अवसरमा गोरखा नगरपालिका–२ को कोखे आहाले शहरी स्वास्थ्य केन्द्रमा निशुल्क स्वास्थ्य शिविर तथा जनचेतना मूलक कार्यक्रम भएको छ ।

वडा कार्यालयको आयोजना तथा कार्यक्रम संयोजक इवरायिम मियाको सहयोगमा शनिवार भएको शिविरमा दुइ सय ५० जनाले सेवा लिएका छन् ।

---

---

६२ जनाले भिडियो एक्सरे सेवा, ७३ जनाले सुगर, ब्लड गु्रपिङ लगायतका ल्याव सेवा लिएका वडा कार्यालयले जनाएको छ ।

शिविरमा स्त्री तथा प्रजजन  रोग सम्बन्धी सेवा लिने बढी भएको वडाध्यक्ष रमहतुल्ला मियाले             बताए ।

शिविरमा गोरखा अस्पताल र भरतपुल अस्पतालका चिकित्सक हरुको सेवा दिएका थिए ।

वडाध्यक्ष मियाको अध्यक्षता तथा गोरखा नगरपालिकाकी उपप्रमुख बिना कुमारी श्रेष्ठको प्रमुख अतिथ्यतामा भएको कार्यक्रममा तिलक बहादुर वानिया, सञ्जु श्रेष्ठ लगायतले मन्तव्य राखेका थिए ।

शिविरमा हेल्थ असिस्टेन्ट खुस्वु निशाले जनचेतना अभिवृद्धिका लागी               कोरोना भाइरस सम्बन्धी     सहजिकरण गरेकी थिइन् । दिवसको अवसरमा तीन दिन सम्म कार्यक्रम गर्ने वडाध्यक्ष मियाले बताए ।