कोरोनाबाट बच्न नागरिक सचेतना आवश्यक
कोरोनाबाट बच्न नागरिक सचेतना आवश्यक
कोरोनाको संक्रमण विश्वका अधिकांश देशमा फैलिएको छ । छिमेकी राष्ट्र चीनबाट फैलिएको संक्रमण अर्काे छिमेकी राष्ट्र भारतमा पनि देखिसकेको छ । हालसम्म नेपालमा यसको संक्रमण भेटिएको पुष्टि नभएपनि संक्रमण नहोला भन्न सक्ने अवस्था छैन ।
केही सावधानीहरु सरकारले अपनाइरहेको छ । तर पर्याप्त छैन । नाकामा आउजाउमा कडाइ गर्न सरकार चुकेकै देखिन्छ । यसले संक्रमणको जोखिम बढाएको छ ।
यसो भन्दै गर्दा सरकारलाइ मात्र दोष देखाउनु उचित हुदैन । मुख्यतया कोरोना भाइरसको संक्रमणबाट बच्न नागरिक स्वयः आफू सचेत हुनु सबैभन्दा महत्वपूर्ण र जरुरी पाटो हो ।
कोरोनाको सम्भावित संक्रमणलाइ लक्षित गरी जिल्लामा पनि बिभिन्न सतर्कता अपनाइएका छन् । बिशेष गरी शहर तथा भारत लगायत अन्य देशबाट गाउँ फर्केकाहरुको स्वास्थ्य जाँच गरी केही समय क्वारेन्टाइनमा बस्ने व्यवस्था मिलाउनु पर्छ ।
अतिआवश्यक काम वाहेक बाहिर ननिस्कने र भीडभाडमा नजानु पनि संक्रमणबाट बच्ने अर्काे उपाय हो । मास्कको प्रयोग गर्ने, हाच्छियु गर्दा वा खोक्दा कुहिनाले मुख छोप्ने गर्नुपर्छ । सावुन पानीले बेलाबेला हात धुने र अन्य व्यक्तिको सम्पर्कबाट टाढै रहे कोरोना संक्रमणबाट बच्न सकिने थियो की ? वेलैमा सतर्कता अपनाऔ ।
