मनकामना मन्दिरका पुजारी इन्सान थापा मगरले बोकेको ‘पोइन्ट टुटु’ नामक बन्दुक प्रहरीले नियन्त्रणमा लिएको छ । शुक्रवार राती नौ बजे साथमा बन्दुक बोकेर हिडेको अवस्थामा प्रहरीले उनलाई भेटेको थियो । लाइसेन्स भएपनि लकडाउनको समयमा बन्दुक बोकोर हिडेपछि नियन्त्रणमा लिइएको एसपी ओम प्रसाद अधिकारीले बताए ।
‘लाइसेन्स भएकाले उनलाई समातेनौ तर तारेखमा छाडेका छौ, बन्दुक हाम्रो नियन्त्रणमा छ,’ उनले भने । व्यक्तिगत प्रयोजनका लागी भन्दै पुजारी थापाले तीन वटा बन्दुक राख्न पाउने इजाजत जिल्ला प्रशासन कार्यालयबाट लिएका छन् । तर उनले उक्त हतियार शिकार खेल्नका लागी प्रयोग गर्दै आएको स्थानीयले बताएका छन् । शुक्रवार राती पनि शिकार खेल्न बन्दुक बोकेर हिडेको देखेपछि स्थानीयले प्रहरीलाइ खवर गरेका थिए ।