गोरखा नगरपालिका–४ कुहिँरेभिर डाँडा र वडा नम्वर ५ चिल्ड्रेनपार्कमा भ्यू टावर निर्माणको काम शुरु भएको छ ।

पर्यटन प्रवद्र्धन गर्ने उदेश्यका साथ टावर निर्माणको शुरु             गरिएको गोरखा नगरपालिकाले जनाएको छ ।

---

---

कुहिँरेभिर डाँडामा बन्ने टावर निर्माणका लागी          गोरखा नगरपालिकाले दश लाख र डिभिजन वन कार्यालयले ३ लाख रकम बिनियोजन गरेको छ ।

बज्र भैरव सामुदायिक वनको जग्गामा निर्माणाधिन टावरमा स्थानीयको २० प्रतिशत श्रमदान रहने         नगरपालिकाका सूचना अधिकारी प्रकाश ढकालले बताए । ‘अहिले दुई तलाको टावर बन्छ, पाँच तलासम्म बनाउने योजना हो,’ उनले भने ।

पर्यटन पूर्वाधार बिकास कार्यक्रम अन्तरगत निर्माण हुने टावरबाट जिल्लाका मनोरम दृश्यहरु अवलोकन गर्न सकिने उनको भनाइ छ । उपभोक्ता समिति मार्फत भएको उक्त काम असार महिनाभित्र सम्पन्न हुने उनले  बताए ।

चिल्ड्रेन पार्कमा निर्माण भइरहेको भ्यू टावरका लागी संस्कृत पर्यटन तथा नागरिक उड्डयन मन्त्रालय बाट २५ लाख रकम प्राप्त भएको ढकालले जानकारी दिए ।

उपभोक्ता समिति मार्फत काम भएको उक्त टावर निर्माणमा २० प्रतिशत श्रमदान स्थानीयको रहने छ । उक्त टावर तीन तलाको हुने उनले  बताए । टावर निर्माण भएसँगै पर्यटन प्रवद्र्धनमा सघाउ पुग्ने अपेक्षा गरिएको छ ।