स्थानीयको अवरोधलाइ झेल्दै गोरखामा कोरोना संक्रमित व्यक्तिको शव व्यवस्थापन गरिएको छ ।
शनिवार मृत्यु भएका पालुङटार नगरपालिका–७ का ४४ बर्षीय संक्रमित पुरुषको शव        गोरखा नगरपालिका(१२ र शहिद लखन गाउँपालिका–१ को सिमा क्षेत्र लुदी दोभानमा व्यवस्थापन गरिएको हो ।

शव व्यवस्थापनको जिम्मा नेपाली सेनालाइ दिइएको प्रमुख जिल्ला अधिकारी सुरेन्द्र पौडेलले बताए । ‘चार जना नेपाली सेना शव व्यवस्थापनमा खटिनुभएको थियो,’ उनले भने, ‘फुल सेट पिपिइ लगाएर उहाहरुले शव व्यवस्थापन गर्नुभयो ।’

---

---

गोरखा अस्पतालको आइसोलेसनमा उपचारको क्रममा शनिवार मृत्यु भएका उक्त संक्रमित पुरुषको शवलाइ सम्मानका साथ अन्त्येष्टी गरिएको प्रजिअ पौडेलले बताए । अस्पतालमा रहेको शव  एम्वुलेन्स मार्फत व्यवस्थापन स्थल लगिएको थियो ।

उक्त क्षेत्रमा शव व्यवस्थापन नगर्न भन्दै शनिवार बिहानै देखि स्थानीयले अवरोध गर्दै आएका  थिए । स्थानीय र प्रहरी बिच झडप समेत भएको थियो । भिड नियन्त्रण गर्न ८ सेल अश्रु ग्यास प्रहार         गरिएको एसपी सुरेन्द्र बहादुर गुरुङले बताए ।

‘स्थानीयले           अवरोध गरे भनेपछि म आफै फिल्डमा गए,’ उनले भने, ‘सम्झाउँने प्रयास गर्दागर्दै स्थानीयले ढुंगामुढा गरेपछि अश्रु ग्यास हान्न बाध्य भयौ ।’ अश्रुग्यास प्रहारपछि तितरवितर बनेका स्थानीयले शव व्यवस्थापन स्थल जाने सडक अवरुद्ध गरेका थिए ।

‘अवुवा पुलबाट लुदी दोभान जाने सडकमा हिमपाइप राखेर बाटो अवरुद्ध गरे, हामी हटाउन जाँदा ढुंगामुढा गरेपछि लाठी चार्ज गर्नुप¥यो,’ एसपी गुरुङले भने ।

शव व्यवस्थापनको क्रममा झडप हुदा पाँच जना प्रहरी घाइते भएको उनले बताए । एक जनालाई नियन्त्रणमा लिइएको उनले जानकारी दिए । प्रहरीको लाठीचार्जबाट स्थानीय पनि घाइते भएका छन् ।

मृत्यु भएका कोरोना संक्रमित यही असार १६ गते कतारबाट आएका हुन् । पालुङटार            नगरपालिका–७ को जीवनज्योती माविको क्वारेन्टिनमा बस्दै आएका उनीमा शुक्रवार कोरोना संक्रमण पुष्टी भएको हो ।

सोही दिन राती उनलाइ गोरखा अस्पताल ल्याइएको थियो । शनिवार बिहान ५ बजे उपचारको क्रममा उनको निधन भएको अस्पतालले जनाएको हो ।