३ बर्षीय बालकले जिते कोरोना
३ बर्षीय बालकले जिते कोरोना
भीमसेन थापा गाउँपालिका–६ का ३ बर्षीय कोरोना संक्रमित बालक निको भएर घर फर्केका छन् । गोरखा अस्पतालको आइसोलेसनमा उपचाररत उनलाइ आइतवार डिस्चार्ज गरिएको सूचना अधिकारी कृष्ण ढकालले बताए ।
आफन्त महिलामा कोरोना देखिएपछि कन्ट्याक्ट ट्रेसिङको क्रममा उक्त वालकको पिसिआर परिक्षण गरिएको थियो । रिपोर्ट पोजेटिभ आएसँगै उनलाई अस्पतालको आइसोलेसन मा ल्याइएको हो । १४ दिनको उपचार पछि उनी कोरोना मुक्त भएका हुन् ।
दुइ पटक गरिएको पिसिआर परिक्षण रिपोर्ट नेगेटिभ आएपछि डिस्चार्ज गरिएको अस्पतालले जनाएको छ । यो सँगै जिल्लामा कोरोना जित्नेको संख्या ३१ पुगेको छ । कुल संक्रमित ९४ जना मध्य हालसम्म ३१ जना उपचार पश्चात निको भएर घर फर्किएको स्वास्थ्य कार्यालयले जनाएको छ ।
ताजा अपडेट
प्रतिकृया दिनुहोस
सम्बन्धित समाचार
