२६ असार २०७७
बुढीगण्डकी जलबिद्युत आयोजनाले हालसम्म ३१ अर्व ९३ करोड मुआब्जा रकम वितरण           गरेको छ ।

गोरखा र धादिङका आयोजना प्रभावितलाई उक्त रकम वितरण गरिएको आयोजनाको वातावरण मुआब्जा वितरण पुनर्वास तथा पुनस्थापना इकाइ प्रमुख कृष्ण कार्कीले बताए । ‘डुवानमा पर्ने कुल ५८ हजार रोपनीको मुआब्जा दिनुपर्ने हो,’ उनले भने, ‘अहिलेसम्म ४७ हजार ३२५ रोपनीको वितरण भइसक्यो ।’

---

---

गोरखा तर्फको २३ हजार ५७५ रोपनी जग्गाको मुआब्जा वितरण भएको उनले बताए ।

त्यस्तै धादिङ तर्फ २३ हजार ७५० रोपनीको मुआब्जा दिइसकेको उनले जानकारी दिए । उनका अनुसार चालु आर्थिक बर्षमात्रै ५ अर्व ४३ करोड मुआब्जा रकम वितरण भएको छ ।

‘गोरखा तर्फ २ अर्व ६५ करोड वितरण भयो,’ उनले भने, ‘धादिङ तर्फ २ अर्व ७७ करोड वितरण ग¥यौ ।’
त्यस्तै आरुघाट र आर्खेतमा घरगोठ, फलफुल र बोट विरुवाको लगत संकलनको काम भइरहेको उनले बताए ।
साउन महिनाभित्र लगत संकलनको काम सक्ने आयोजनाको लक्ष्य छ ।

‘डुवानमा पर्ने अन्य ठाउँको लगत संकलन भइसक्यो, आरुघाट र आर्खेतमा स्थानीय नमान्दा समस्या भएको थियो, अहिले सहज भएर काम शुरु भएको हो,’ इकाइ प्रमुख कार्कीले भने ।