काम नगर्ने ठेकेदारलाइ गोरखा दरवार पुननिर्माणको जिम्मा दिदा अहिले काम अलपत्र छ ।

भूकम्पले क्षति पुगेको दरवार पुननिर्माणका लागी पचली भैरव सिभाको जेभीसँग भएको ठेक्का सम्झौता अनुसार २०७६ साल मंसिर मसान्त भित्र काम सक्नुपर्ने थियो ।

---

---

तर काममा लगाव नदेखाउने ठेकेदारका कारण तोकिएको समयमा काम सम्पन्न हुन सकेन । विभिन्न वहाना बनाउदै ठेकेदारले पुरातत्व बिभागमा हारगुहार             गरेपछि २०७७ जेठ मसान्तसम्मका लागी म्याद थप भयो । तर थप गरिएको समयमा पनि काम सकिएन । ठेकेदारले मनोमानी गर्दै बारम्वार पुननिर्माणको काम ठप्प बनाउँदै आयो ।

कामदार र निर्माण सामग्री अभाव देखाउदै पन्छिन खोज्ने ठेकेदारलाई बिभागले पनि लगाम लगाउन सकेन । पहिलो पटक थप गरिएको समय सकिदा पनि कामको प्रगति देखिएन ।

लक डाउनको वहाना वनाउँदै             ठेकेदारले थप समय माग ग¥यो । राष्ट्रिय पुननिर्माण प्राधिकरणको सचिव स्तरीय निर्णयले २०७७ मंसिर मसान्तसम्मका लागी म्याद थपिदिएको छ । तर अहिलेसम्म ४० प्रतिशतभन्दा कामको प्रगति नभएको गोरखा दरवार हेरचाह अड्डाका प्रमुख हरि भुषाल बताउछन् ।

लक डाउनको वहाना बनाउँदै करिव चार महिना ठप्प भएको काम यही असार १७ गतेबाट शुरु भएको छ । दुइ जना मात्र काष्ठकलाको काम गर्ने कामदार ल्याएर काम शुरु गरिएको छ ।

अहिलेकै गतिमा काम हुने हो भने दोस्रो पटक थपिएको म्यादमा पनि काम सम्पन्न नहुने दरवार हेरचाह अड्डा प्रमुख भुषाल बताउछन् । ठेकेदार आफ्नो जिम्मेवारी प्रति उदासिन देखिएको उनले बताए ।

‘कामको गति निकै सुस्त छ, यही गतिमा काम हुने हो भने थप भएको समयभित्र पनि काम सकिन्न,’ उनले भने । दरवार पुननिर्माणको काममा ठेकेदारले वेवास्ता गर्दा समस्या भएको उनको गुनासो छ । ‘जिल्ला आउने पर्यटक नै घटेका छन्, सामान भण्डारण पनि उचित तरिकाले गरिएको छैन, बिजोग छ,’ उनले भने ।

दरवार पुननिर्माणमा भएको ढिलासुस्तीका कारण सँगै रहेका कालिका मन्दिर, रंगमहल लगायतका संरचना पुननिर्माण हुन नसकेको उनले बताए । काममा तदरुपता नदेखाउने ठेकेदार भुक्तानी लिन भने अग्रसर देखिएका छन् ।

हालसम्म एक करोड          रकम ठेकेदारले लिइसकेको अड्डाले जनाएको छ । काममा लापरवाही गरिदिदाँ जिल्लाको पर्यटन क्षेत्रमा नै असर           सरोकारवालाले बताएका छन् ।