नगरपालिका भित्रका सामुदायिक विद्यालयका १० शिक्षक पुरस्कृत भएका छन् ।
शिक्षकको लघु अनुसन्धान कार्यक्रम अन्तरगत उत्कृष्ट भई छनौट भएका १० शिक्षकलाई जनही १०÷१० हजार रुपैयाले पुरस्कृत   गरिएको नगर शिक्षा शाखा प्रमुख बाबुराम बरालले बताए ।

पुरस्कृत हुनेहरुमा गोपालबाबु मरहट्टा, टेक बहादुर उपरकोटी, अनिल लामिछाने, गणेशराज सापकोटा, उदयबहादुर भट्ट, पुरुषोत्तम भट्टराई, दुर्गा  अधिकारी, कोपिला पौडेल, अर्जुन प्रसाद देवकोटा र सिता खत्री              रहेका छन् ।

---

---

विद्यालयको पठनपाठन, शैक्षिक क्रियाकलाप, शिक्षकहरुको समस्या, समाधानको उपाय सहितको प्रस्ताव माग गरेको र सोहि अनुसन्धान रिपोर्टको आधारमा उनीहरुलाई छनोट गरिएको उनले जानकारी दिए । लघु अनुसन्धानको लागि सामुदायिक विद्यालयबाट फारम भरेका १८ जना शिक्षक मध्ये उत्कृष्ट १० जनालाई छनौट गरी पुरस्कृत गरिएको उनले  बताए ।
त्यस्तै नगरपालिकाले २५ जना विद्यार्थीलाई नगरप्रमुख छात्रवृत्ति वितरण गरेको छ ।

आइतवार एक कार्यक्रममा बिच नगरप्रमुख राजनराज पन्तले नगर क्षेत्र अन्तरगत पर्ने १४ सामुदायिक विद्यालयका २५ जना विद्यार्थीलाई छात्रवृत्ति वितरण गरेका हुन् ।

नगर प्रमुख छात्रवृत्ति कार्यक्रम अन्तरगत जनही १०÷१० हजारका दरले नगद वितरण गरिएको नगर शिक्षा शाखा प्रमुख बरालले बताए ।
गत वर्षको कक्षा आठको नगर स्तरीय वार्षिक परिक्षामा उत्कृष्ट अंक ल्याउने जनजाति, दलित, अपाङ्गता आदिको                 आधारमा छात्रवृत्ति वितरण             गरिएको उनले जानकारी दिए ।