जिल्ला ट्राफिक कार्यालयले सवारी नम्वर प्लेटमा कडाई गरेको छ ।
नम्वर प्रष्ट नदेखिने सवारीलाइ नियन्त्रणमा लिने गरेको कार्यालय प्रमुख मित्रलाल ढकालले बताए ।

‘पुरानो भएर नम्वर नबुझिने गरी मेटिएका अनि नयाँ सवारीमा मार्करले नम्वर लेख्नेहरुलाइ नियन्त्रणमा लिन थालेका छौ,’ उनले भने ।

---

---

जेठ र असार महिनामा मात्रै करिव एक सय भन्दा बढी सवारीलाइ नियन्त्रणमा लिएर नम्वर प्लेट फेर्न लगाएको उनले बताए । ‘धेरैजसो स्कुटर र मोटरसाइकलको नम्वर प्लेट त्यस्तो पायौ, भेटेको जतिलाई फेर्न पनि लगाइसक्यौ,’ उनले भने ।

नयाँ सवारी किन्दा प्राप्त हुने अस्थायी नम्वरलाई पनि रातो नम्वर प्लेटमा प्रिन्ट गर्न उनले आग्रह गरेका छन् ।

चेकजाँचमा कडाइ समेत गरिएको उनको भनाइ छ । ‘हाम्रो नियमित ड्युटी पनि हुन्छ, त्यसमाथि छड्के चेकजाँच पनि गर्छाै, स्पष्ट नभएका नम्वर प्लेटका सवारी देख्नेवित्तिकै कागजपत्र नियन्त्रणमा लिन्छौ, अनि नम्वर प्लेट फेरेर आएपछि कागजपत्र फिर्ता दिन्छौ,’ उनले भने ।

हेलमेटको क्लिप नलगाउनेलाइ पनि कारवाही गरिने उनले बताए ।