केही दिन यता गोरखा नगरपालिकाका कोरोना संक्रमितहरुको सम्पर्कमा रहेका तीन सय ४० जनाको पिसिआर परिक्षणका लागी स्वाव संकलन गरिएको छ ।

कन्ट्याक्ट ट्रेसिङको क्रममा उनीहरुको स्वाव संकलन गरेर परिक्षणका लागी पठाइएको नगरपालिकाका स्वास्थ्य शाखा प्रमुख इश्वर रेग्मीले बताए । उनीहरु मध्य केहीको रिपोर्ट आइसकेको छ भने केहीको बाँकी छ ।

---

---

मंगलवार गोरखा नगरपालिका–६ तीनधारेका संक्रमितको सम्पर्कमा रहेका २५ जनाको स्वाव संकलन गरिएको छ । ९ जना महिला र १६ जना पुरुषको स्वाव संकलन गरिएको रेग्मीले बताए ।

त्यस्तै गोरखा नगरपालिका–१० छेवेटारमा पनि मंगलवार ४६ जनाको स्वाव संकलन गरिएको उनले जानकारी दिए । उनका अनुसार हालसम्म वडा नम्वर १३ को संक्रमितको सम्पर्कमा रहेका १ सय ५९ जनाको स्वाव संकलन गरेर परिक्षणका लागी पठाइएको छ ।

उनीहरु मध्य १ सय १३ जनाको रिपार्ट आइसकेको छ भने ४६ जनाको बाँकी छ । ‘रिपोर्ट आएका मध्य १२ जनामा संक्रमण देखियो बाँकी १ सय १ जनाको रिपोर्ट नेगेटिभ आयो,’ रेग्मीले भने ।

गोरखा नगरपालिका–१० मा कन्ट्याक्ट ट्रेसिङको क्रममा हालसम्म १ सय १० जनाको स्वाव संकलन गरेर परिक्षणका लागी पठाइएको छ । जसमध्य ७५ जनाको रिपोर्ट आइसकेको छ भने ३५ जनाको आउन बाँकी रहेको छ ।

रिपोर्ट आएका मध्य एक जनामा संक्रमण पुष्टी भएको छ भने बाँकीको रिपोर्ट नेगेटिभ रहेको रेग्मीले बताए ।

वुधवार सो क्षेत्रका थप ४६ जनाको स्वाव संकलन गरेर पठाइएको उनले जानकारी दिए । कन्ट्याक्ट ट्रेसिङको कामलाइ थप तिव्रता दिने नगरपालिकाको स्वास्थ्य शाखाले जनाएको छ । स्क्रिनिङ मार्फत स्वावको नमूना संकलन गर्ने कार्य पनि भइरहेको कार्यालयले जनाएको छ ।