पालुङटार नगरपालिका–६ का पहिरो पीडितलाई खाद्यान्न सहयोग गरिएको छ ।

केही समय अघिको अविरल बर्षाका कारण गएको पहिरोले क्षति भएका ३० घरधुरीलाई असल छिमेकी नेपाल पोखरा नामक संस्थाले प्रति घरधुरी दुइ हजार ३५ रुपैया बरावरको खाद्यान्न सहयोग गरेको हो ।

---

---

प्रति घरधुरी २५ केजी चामल, दुइ किलो रातो दाल, एक किलो नुन, तेल एक लिटर, केराउ एक किलो र दुई वटा डिटोल सावुन वितरण गरिएको संस्थाका संचार बिभाग प्रमुख दिनेश केसीले बताए ।

वडा कार्यालयको सिफारिस, पालुङटार नगरपालिकाको स्वीकृती, नेपाल रेडक्रस सोसाइटी जिल्ला शाखा गोरखाको समन्वय र स्थानीय टोल सुधार समितिको प्रत्यक्ष रोहवरमा खाद्य सामग्री वितरण गरिएको उनले जानकारी दिए ।

उक्त संस्थाले भूकम्पले क्षति पुगेका मध्य पाँच वटा स्वास्थ्य चौकी भवन, चार बिद्यालय, वडा कार्यालय र २ सय ७० वटा नीजि आवास पुननिर्माण सम्पन्न गरी हस्तान्तरण गरिसकेको छ । हाल स्थानीय तहसँगको साझेदारीमा गाउँघर क्लिनिक र अन्य भौतिक संरचनाहरु निर्माण भइरहेको केसीले बताए ।