गोरखाका थप दुई जनामा कोरोना
गोरखाका थप दुई जनामा कोरोना
आइतवार गोरखाका थप दुई जनामा कोरोना संक्रमण देखिएको छ ।
गोरखा नगरपालिका–१२ का २२ बर्षीया महिला र पालुङटार नगरपालिका–५ की २८ बर्षीय महिलामा कोरोना पुष्टी भएको स्वास्थ्य कार्यालय गोरखाले जनाएको हो ।
‘उहाहरु उपचारको क्रममा चितवन र काठमाण्डौ जादाँ त्यतै पिसिआर परिक्षण भएको रहेछ,’ कार्यालयका सूचना अधिकारी राजुरमण न्यौपानेले भने, ‘आज रिपोर्ट पोजेटिभ देखियो ।’
गोरखा नगरपालिकाकी संक्रमित महिला घर फर्केर होम आइसोलेसनमा बसेको उनले बताए । पालुङटार नगरपालिकाकी संक्रमित महिलाको काठमाण्डौमै उपचार भइरहेको बताइएको छ । यो सँगै जिल्ला बाहिर स्वाव संकलन गरेर पिसिआर रिपोर्ट पोजेटिभ आउनको संख्या २४ पुगेको छ ।
जसमध्य ५ जनाको उपचारको क्रममा निधन भइसकेको कार्यालयले जनाएको छ ।
ताजा अपडेट
प्रतिकृया दिनुहोस
सम्बन्धित समाचार
