केशव गुरुङ

भूकम्पले क्षति पुगेका मध्य हालसम्म जिल्लाका ५८ हजार ३ सय २३ घर पुननिर्माण भएका छन् ।
जिल्ला आयोजना कार्यान्वयन इकाई अनुदान व्यवस्थापन तथा स्थानीय पुर्वाधार कार्यालयका अनुसार हाल सम्म ५८ हजार ३ सय २३ लाभग्राहीले तेस्रो किस्ताको रकम लिएका हुन् । कार्यालयका अनुसार भूकम्पका कारण जिल्लाका ६६ हजार ९०७ घरधुरीमा क्षति पुगेको थियो ।

---

---

उनीहरु मध्य ६४ हजार ८२८ घरधुरीले अनुदानका लागी सम्झौता गरेका छन् । जसमध्य ६२ हजार १२० लाभग्राहीले दोस्रो किस्ता लिएका छन् ।

जिल्लाका ११ स्थानीय तह मध्ये निजी आवास पुननिर्माणमा सबै भन्दा अगाडी बारपाक सुलिकोट गाउँपालिका देखिएको छ । बारपाक सुलिकोट गाउँपालिकाका कुल ७ हजार २६४ लाभग्राही मध्य ६ हजार ६८८ लाभग्राहीले निजी आवास पुननिर्माण सम्पन्न गरी तेस्रो किस्ताको रकम लगेको कार्यालय प्रमुख रामशरण आचार्यले बताए ।

उनका अनुसार गण्डकी गाउँपालिका सबैभन्दा पछाडी छ । उक्त गाउँपालिकामा रहेका कुल ५ हजार ६९४ लाभग्राही मध्य ३ हजार ९४२ जनाले तेस्रो किस्ता लिइसकेका छन् । कुल ७ हजार ४८ लाभग्राही रहेको आरुघाट गाउँपालिकामा ६ हजार १८१ लाभग्राहीले तेस्रो किस्ताको रकम लिइसकेका छन् ।

अजिरकोट गााउँपालिकामा ४ हजार १८४ लाभग्राही पहिचान भएकोमा ३ हजार ८५८ लाभग्राहीले तेस्रो किस्ता रकम लिइसकेको आचार्यले बताए । त्यस्तै ७ हजार १३ लाभग्राही रहेको भिमसेन थापा गाउँपालिकामा ५ हजार ५९२ जनाले तेस्रो किस्ता लगिसकेका छन् ।

चुमनुब्री गाउँपालिकामा २ हजार ४१८ लाभग्राही पहिचान भएका छन् । उनीहरु मध्य १ हजार ७८९ जनाले तेस्रो किस्ताको रकम लिई सकेका छन् । ४ हजार १९१ लाभग्राही रहेको धार्चे गाउँपालिकामा ३ हजार ४८० जनाको घर पुननिर्माण भइसकेको छ ।

गोरखा नगरपालिकामा लाभग्राही कायम भएका १० हजार ६३१ लाभग्राही मध्ये ८ हजार ३२३ जनाले तेस्रो किस्ताको रकमका लिइसकेका छन् ।

१० हजार ३५ लाभग्राही रहेको पालुङटार नगरपालिकामा ७ हजार ४२४ जनाले तेस्रो किस्ता लगेका छन् । शहिद लखन गाउँपालिकामा कुल ७ हजार १९४ लाभग्राही कायम भएका थिए । उनीहरु मध्य ५ हजार ५४० जनाले घर पुननिर्माण गरिसकेका छन् ।

कुल ६ हजार ९२१ लाभग्राही रहेको सिरानचोक गाउँपालिकामा ५ हजार ५४० जनाले घर पुननिर्माण सम्पन्न गरेर तेस्रो किस्ता लगेको छन् ।

निजी आवास पुननिर्माण र प्रबलिकरणका लागि जिल्लामा हाल सम्म ७७ हजार ५ सय ९३ लाभग्राही पहिचान भएको छ । प्रवलिकरण तर्पm कुल ५ हजार ६८६ लाभग्राही पहिचान भएको कार्यालयले जनाएको छ । प्र

वलिकरण तर्फ हाल सम्म ७ जना लाभग्राहीले दोस्रो किस्ता र ४ हजार ३३४ लाभग्राहीले पहिलो किस्ताको रकम लगेको कार्यालय प्रमुख आचार्यले बताए ।